HOLANDË - Fundjavën e kaluar AZ Alkmaar fitoi 5-1 kundër NEC Nijmegen në finalen e Kupës së Holandës të zhvilluar në stadiumin 'De Kuip' të Rotterdamit. Përtej goleadës kjo ndeshje u përfol edhe për një ndodhi që nuk shihet shpesh në fushat e futbollit.

Në minutën e 76-të kur AZ Alkmaar po fitonte 3-0, arbitri i njohur Danny Makkelie ndërpreu ndeshjen pasi mori një telefonatë sigurie dhe iu desh të përgjigjej. Këto pamje janë duke bërë xhiron e medieve, teksa gjithçka e ka një shpjegim.

Makkelie mori një informacion për sigurinë dhe mediet në Holandë thonë se tifozët kishin në program të ndiznin shumë fishekzjarre dhe flakadanë. Në të tilla kushte ndeshja u ndërpre për pak minuta dhe të gjithë pyesnin për arsyen.

Në bazë të rregullave të sigurisë, delegati bëri të mundur që vetë arbitri të fliste me shefin e policisë apo personat përgjegjës në lidhje me këtë informacion dhe sapo gjithçka u duk e qetë sfida vijoi dhe prodhoi edhe tre gola të tjerë për rezultatin final 5-1.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Prill, 08:22

    Si ju duk strategjia e drejtorit Hita në organizimin e policisë gjatë protestës së PD?

Lajme të tjera