Ai ka qenë deputet i Kuvendit të Shqipërisë për 40 vite (30 vite në komunizëm dhe 10 në demokraci), duke përfshirë të dy periudhat politike në vend.
Një video e rrallë është publikuar në rrjetet sociale pasi shkrimtari i madh u nda nga jeta në moshën 85-vjeçare. Fjalimi është shkëputur nga Kongresi i Partisë së Punës, me 10 qershor të 1991.
Agolli kërkonte reformimin e partisë, ndërsa pjesëmarrësit në Kongres dukshëm ishin kundër kërkesës së tij. Salla bërtiste kundër tij dhe i dërgonte letra kërcënuese në tribunë (siç duket edhe në video).
Fjalimi dytë u mbajt në një kongres të vitit 1996 kur kryetari Fatos Nano inicioi nga burgu një mocion kundër drejtuesve të partisë: Servet Pëllumbi, Namik Dokle, Luan Hajdaraga dhe Ilir Meta.
Nano e kishte quajtur PS-në një kënetë dhe përgjigjja e Dritëroit ishte se “nëse PS është një kënetë, atëherë Nano është një buf kënete”.
Shkrimtari i madh Dritëro Agolli u nda sot nga jeta në moshën 85-vjeçare, pas një sëmundje të rëndë në mushkëri.
![](https://www.shqiptarja.com/template/img/sh_logo1.png)