Inter fitoi 3-4 me Fiorentinën për javën e 11 në Serie A. Fundjavën që lamë pas në "Artemio Franchi" ishte edhe tifozi i Inter, shqiptari Xhoel Kushova. Goli i katërt dhe i fitores nga Mkhitaryan erdhi në minutën e 95, me festën që ishte legjitime.

Tifozi shqiptar i Inter, Kushova ndodhej në stadium me të ëmën dhe nuk mund të mbante gëzimin, paçka se ndodhej në sektorin e tifozve të Fiores. Gëzimi nuk ishte i madh pasi tifozët Viola nisën ta ofendonin dhe përdornin dhunë kundër tij.

Në një bisedë për Gazzetta dello Sport, shqiptari rrëfen se në ato momente është ndjerë keq pasi ishte me të ëmën. 21 vjeçari tregon se u ndihmua nga tifozë të tjerë të Fiores.

"Nëna ime u tmerrua dhe donte menjëherë të ikte, por në mungesë të stjuardëve, shumë tifozë të Fiores na mbrojtën. Nëse do të kthehesha në stadium me fanellën e Interit? Sigurisht, çfarë nuk shkon me këtë? E dini derbin e humbur me shtyllën e Giroud? Ne luajtëm në shtëpi dhe pranë meje në San Siro kishte shumë tifozë të AC Milan me fanellat e tyre: ata u gëzuan siç duhej dhe askush nuk tha asgjë. Kjo është normale, përkundrazi, brohoritën si duhej dhe askush nuk tha gjë", tha Xhoel Kushova.

 
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Maj, 09:33

    Zgjedhjet e 11 majit, si ju është dukur fushata zgjedhore?

Lajme të tjera