POP 5

Lajmet më të lexuara të 5 minutave të fundit

Sport

VIDEO/ Goditi Leroy Sane me shpullë gjatë ndeshjes, pezullohet trajneri: S'kam pse kërkoj falje

Trajneri i Union Berlin në Bundesligë, Nenad Bjelica u dënua me tre ndeshje pezullim pasi goditi sulmuesin e Bayern Munich, Leroy Sane gjatë ndeshjes.

VIDEO/ Goditi Leroy Sane me shpullë gjatë ndeshjes, pezullohet trajneri: S'kam pse kërkoj falje

Nenad Bjelica duke goditur Sane

Trajneri i Union Berlin në Bundesligë, Nenad Bjelica u dënua me tre ndeshje pezullim pasi një ditë më parë u ndëshkua me karton të kuq teksa goditi sulmuesin e Bayern Munich, Leroy Sane gjatë ndeshjes.

Bjelica e shtyu Sane dy herë në fytyrë, kjo pasi lojtari i Bayern i kërkoi topin për të kryer një rivënie gjatë fitores 1-0 të bavarezëve ndaj Unionit. Bjelica u dënua për tre ndeshje të Bundesligës kundër Darmstadt, Leipzig dhe Mainz dhe u gjobit me 25.000 euro.

Rasti u trajtua si “sjellje josportive” dhe Bjelica e pranoi dënimin. Pas ndeshjes të së mërkurës, Bjelica tha se sjellja e tij “nuk duhej toleruar”, por tha se nuk do t'i kërkonte falje Sane, duke pretenduar se lojtari i Bayernit e provokoi dhe e shtyu atë.

Bjelica tha se ai ishte "disi i emocionuar" në momentin e incidentit, sepse ekipi i tij nuk kishte marrë një penallti pak më parë. Bjelica ka qenë në krye të ekipit për shtatë ndeshje që kur u emërua në nëntor. Unioni renditet i 15-ti në Bundesligë, vetëm tre pozicione larg fundit.

“Isha në zonën tipe dhe doja t’i jepja topin. Ai më shtyu, pastaj reagova siç e keni parë. Sigurisht kjo nuk mund të tolerohet dhe e kuptoj vendimin për kartonin e kuq. Por falje i kërkoj vetëm skuadrës sime. Nuk do t’i kërkoj Sane falje. Ai erdhi drejt meje duke më provokuar. Nuk kam çfarë të shtoj më shumë”, është shprehur 52-vjeçari.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46