BEOGRAD - Himni kombëtar i Shqipërisë është luajtur në Beograd. Me mbërritjen e kryeministrit Rama dhe delegacionit shqiptar në Pallatin "Serbia", u zhvillua dhe ceremonia shtetërore në nder të tyre, ku veçse tapetit të kuq, të zakonshëm në këto raste, u luajt edhe himni kombëtar.

Ndryshe nga sa ndodhi në ndeshjen e futbollit Serbi-Shqipëri, ku himni u përdhos nga huliganët që thërrisnin kundër shqiptarëve, këtë radhë himni është lujtur i plotë dhe u respektua nga autoritetet serbe në këtë ceremoni.

Kryeminsitr Rama do të qëndrojë dy ditë në Serbi, ku pas takimeve të sotme në Beogradin zyrtar pritet të vizitojë nesër Luginën e Preshevës. Kjo është vizita e parë e një kryeministri shqiptar pas 7 dekadash.

Redaksia Online
(Shqiptarja.com)