ITALI- Në pasditen e së mërkurës, një 31-vjeçar shqiptar, ka humbur jetën për shkak të një aksidenti automobilistik në zonën e Polignanos, në Bari.

Mediat italiane raportojnë se 31-vjeçari ka gjetur vdekjen pasi motori me të cilin udhëtonte është përplasur me një makinë.

Policia bën me dije se viktima është goditur dhe nga një makinë tjetër që ishte në ecje e sipër në momentin e aksidentit, raporton norbaonline.it.

Sipas Policisë, për të aksidentuarin nuk mun të bëhej asgjë pasi dy përplasjet i shkaktuan vdekje të menjëhershme.