LIVERPOOL, Angli - Ndeshja derbi e prapambetur e javës së 15-të në Premier League mes Everton dhe Liverpool u mbyll 2-2 në një fund dramatik. Në "Godisson Park" emocionet nisën që në minutën e 11-të, kur Beto kaloi në epërsi pjesën blu të qytetit.

Vetëm pesë minuta më vonë, Salah asistoi për Mac Allister dhe në fushë u vendosën ekuilibrat. Periudha tjetër e mbetur e pjesës së parë ishte shumë e luftuar, me kryesorin Michael Oliver që u detyrua të nxirte pestë herë kartonin e verdhë.

Fraksioni i dytë nisi me zëvendësime për Liverpool. Duhej minuta e 73 që Salah të tregonte se po kalon një prej sezoneve më të mira, duke shënuar golin e avantazhit për të kuqtë. 27 gola dhe 19 asistime për egjiptianin këtë edicion në të gjitha kompeticionet.

Fundi i ndeshjes ishte dramatik, pasi kur u mendua se Liverpool "e vrau" kampionatin, Tarkowski në shtesën e tetë barazoi sfidën dhe bëri që festa të "shpërthente" në stadium, aq sa disa tifozë kapërcyen sigurinë dhe festuan me lojtarët.

Pasioni nuk mungoi as në fushë, pasi Doucoure te vendasit si edhe Jones dhe trajneri Arne Slot për miqtë dolën me kartona të kuq pas sherrit që përfshiu dy kampet. Lojë, gola, pasion dhe spektakël në një derbi që renditja në tabelë është e fundit që mendohet.

Pas 24 javëve të zhvilluara në Premier League kryeson Liverpool me 57 pikë, shtatë më shumë se Arsenali ndjekës. Ndërkohë Everton me 27 pikë merr vendin e 15-të.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera