TIRANË - Kombëtarja shqiptare e futbollit ka nisur përgatitjet këtë të hënë për ndeshjet e tetorit. E gjithë vëmendja është te sfida ndaj Serbisë më 11 tetor në Leskovac (kualifikuese për Botërorin 2026), si dhe miqësoren me Jordaninë më 14 tetor në stadiumin “Air Albania” në Tiranë.

Nën drejtimin e trajnerit Sylvinho, pjesa më e madhe e lojtarëve të ftuar ishte prezent, ndërsa disa lojtarë si Jasir Asani, Thomas Strakosha, Arbër Hoxha, Ivan Balliu dhe Enea Mihaj u bashkuan me grupin gjatë orëve të mbrëmjes.

Seanca e parë stërvitore ishte më pak e ngarkuar, duke u fokusuar kryesisht te ushtrimet fizike dhe disa lëvizje me top, për t’u dhënë kohë lojtarëve të rikuperohen pas impenjimeve me klubet e tyre gjatë fundjavës.

Dy mungesa të konfirmuara janë mbrojtësi Ardian Ismajli dhe mesfushori Adrion Pajaziti, të cilët nuk do të jenë pjesë e skuadrës për këto dy ndeshje për shkak të dëmtimeve. Pas vizitave mjekësore dhe shqyrtimit të analizave nga stafi mjekësor, është konkluduar se nuk mund të rikuperohen në kohë.

Seanca e radhës stërvitore do zhvillohet sot në ora 16:00 në 'Shtëpinë e Futbollit', ku pritet që grupi të jetë i plotë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera