Sivasspor ka siguruar tri pikët e radhës për javën e dhjetë në Superligën e Turqisë. Në "Yeni Stadium", Sivasspor mposhti 2-4 vendasit e Adana Demirspor dhe një nga golat u shënua nga Rey Manaj.

27-vjeçari ishte titullar në këtë duel dhe ia doli të shtynte sferën në rrjetë në minutën e 66-të, duke i dhënë avantazhin 2-3 të tijve dhe hapur rrugën e tri pikëve.

Rikthimi nga dëmtimi ka qenë i duhuri për lushnjarin që në shtatë takime e çon numrin e golave në katër. Vlen të theksohet se Manaj sezonin e kaluar ishte golashënuesi i tretë më i mirë në elitën e Turqisë, pas Icardit dhe Dzekos.