Manchesteri mbetet i kaltër. Në "Old Trafford" City fitoi 0-3 me United në derbin e qytetit dhe merr tri pikë me vlerë që e lënë në ndjekje të Tottenhamit kryesues që ka dy pikë më shumë. Për javën e dhjetë në Premier League, ndeshja nisi me një homazh për Bobby Charlton, legjendën e United që u nda nga jeta tetë ditë më parë. Sfida u hap në minutën e 26-të nga Haaland, me norvegjezin që nuk gaboi nga pika e bardhë e penalltisë. Sërish Haaland në të 49 minutë gjeti dopietën personale dhe golin e dytë të ndeshjes, para se Foden dhjetë minuta nga fundi të shënonte golin e tretë. Me këtë sukses, City barazon me 24 pikë Arsenalin e vendit të dytë. Nga ana tjetët, United me 15 pikë mban vendin e tetë.


Lajmi kryesor:

GOLAT/ City mund 0-3 United-in në derbin e Manchesterit! Liverpool fiton në shtëpi, Everton befason West Hamin
S.Dh/Shqiptarja.com
  • Sondazhi i ditës: 20 Shkurt, 08:56

    A është vlerësim për Shqipërinë pjesëmarrja në Bordin e Paqes?

Lajme të tjera