Video/ Momenti i tmerrshëm kur 57-vjeçari sulmon në spital adoleshenten me hijab

Video/ Momenti i tmerrshëm kur 57-vjeçari sulmon në spital adoleshenten me hijab

Sulmi fizik në spital

Një video shokuese ka kapur momentin kur një burrë – të cilit i ishte mohuar trajtimi i shëndetit mendor – sulmoi një adoleshente myslimane në recepsionin e një spitali në Michigan të SHBA-ve. 
Në video e kamerave të sigurisë, duket 19-vjearja, e cila mbante të veshur një hija blu të errët, që shkon te recepsioni i Beaumont Hospital Dearborn dhe flet me gruan që punon atje më 10 shkurt, rreth orës 3.30 lokale. 

Disa momente më vonë, një njeri vërshon drejt adoleshentes dhe e qëllon me grushta tre herë deri sa stafi i i sigurisë së spitalit arrin të ndërhyjë. 

Vajza kishte shkuar në spital, pasi kishte rrëshqitur mbi akull dhe druante se mund të kishte thyer një kockë të dorës gjatë rënies. 

Agresori, i identifikuar si 57-vjeari John Salvatore Deliz, u arrestua dhe u kallzua për ushtrim dhune fizike. 

Viktima e incidentit, përmes avokatit të saj ka ngritur një padi ndaj spitalit, duke e akuzuar këtë të fundit se nuk e kishte monitoruar si duhet burrin në fjalë. 
Avokati i saj tha për CBS News se Deliz kishte pohuar se ishte arratisur nga një grup terapie dhe se nuk po i merrte ilaçet për çrregullimet e bipolarizmit dhe skizofreninë. 

Deliz ishte nxjërrë nga spitali po atë ditë dhe mësohet se kishte nisur të bezdiste pacientët e tjerë, duke u kërkuar cigare. 

Në atë pikë siguria i tha atij që të qëndronte në sallën e pritjes deri sa të vinte një automjet që do ta transportonte dhe që t’i linte të qetë pacientët e tjerë. Por pak pas kësaj, Deliz sulmoi adoleshenten duke e dhunuar rëndë. 
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet