MEKSIKË - Në ndeshjen e javës së 3-të të kampionatit meksikan mes Mazatlan dhe Monterrey, ka ndodhur një skenë e shëmtuar që rrallë shihet në fushat e futbollit. Ishte minuta e 16-të e ndeshjes kur mbrojtësi i vendasve Amarilje, teksa tentoi të gjuante topin sa më larg portës së tij, aksidentalisht goditi sulmuesin kundërshtar në fytyrë me takat e futbollit, duke e rrëzuar atë në tokë.
Futbollistët nuk u besonin syve, shumë kapën kokën me duar dhe shumë shpejt shërbimi mjekësor vrapoi drejt lojtarit. Për shkak të goditjes së ashpër, futbollistit fillimisht iu dha kartoni i verdhë, por pas shikimit të videos, arbitri ndryshoi vendimin dhe e dërgoi në dhomat e zhveshjes me të kuq. Për fat të mirë lojtari i dëmtuar është jashtë rrezikut për jetën.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)