Një pamje ajrore e rezidencës së re të Neymar në Mangaratiba, në Costa Verde të Rio de Janeiro, po bën bujë në Brazil. Pamjet tregojnë pistën mbresëlënëse të makinave që futbollisti i PSG-së ka ndërtuar në shtëpinë e madhe ku kalon pushimet me familjen dhe miqtë e tij.

Në rezidencë ka edhe fusha volejbolli, futbolli, tenisi dhe disa pishina. Ajo që po i hap më shumë probleme babait të Neymar-it, i cili është përgjegjës për ndërtimin luksoz, është liqeni artificial prej 1000 metrash katrorë, për të cilin ka marrë ankesa për krime të dyshuara mjedisore.

Për të "instaluar" liqenin, u desh të hiqej një shkëmb dhe të shpyllëzohej një pjesë e bimësisë në zonë dhe madje të devijohej një lumë. Nga njëra anë, familja ka ndërtuar një sipërfaqe druri dhe nga ana tjetër, një lloj kioske plazhi të rrethuar me gurë.

Sekretari për Mjedisin urdhëroi ndërprerjen e punimeve në atë pjesë të rezidencës. Agjentët e Policisë Ushtarake dhe Civile të Shtetit të Rio de Janeiros shkuan në vend për të njoftuar zyrtarisht vendimin. Babai i futbollistit u përball me ta dhe për pak u arrestua për shpërfillje të gjykatës.

Pishina, fusha futbolli dhe tenisi. Një park argëtimi shumë i madh. Madje nuk mungon as heliporti për uljen e helikopterit të markës me inicialet e tij ‘NJR’, si dhe aksesi privat për jahtin.

Të shikosh nga lart rezidencën ultra-luksoze të Neymar, është si të fluturosh mbi një park argëtimi.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera