Në stadiumin "Olimpik", Torino u mund 0-1 nga Interi. Ndeshja ishte e luftuar dhe me grintë, duke pasur raste shënimi për të dyja skuadrat. Do duhej minuta e 37 që Brozovic të gjente golin me vlerën e tri pikëve për zikaltërit. Një asist e Lukakut bëri që kroati të shënonte nga distanca, duke i dhënë suksesin ekipit të Inzaghit. Megjithëse Torino në pjesën e dytë pati disa raste, Interi doli me tri pikë. Duket se zikaltërit janë në formë të mirë para finales së Champions League, e cila luhet në 10 qershor në Stamboll kundër Manchester City-t.