Besa dhe Skënderbeu barazuan 0-0 për javën e 12-të në Kategorinë e Parë. Në stadiumin "Shkumbini" të Peqinit, kavajasit dhe korçarët nuk ia dolën ta dërgonin topin në rrjetë paçka rasteve të shumta në fundin e ndeshjes. 90 minutat kanë prodhuar edhe tension, me Ramillin te Besa që ka lënë të tijtë me një lojtar më pak në minutën e 90+1.

Sekondat e fundit prodhuan edhe një pamje aspak të bukur, me lojtarët që u përplasën mes tyre. Një pretendim i sulmuesit të Skënderbeut, Abdul, për faull në zonën e Besës nuk është konsideruar nga Indrit Myrtja, me arbitrit që akordoi prekje me dorë nga sulmuesi i korçarëve.

Sa i takon sfidës, 90 minutëshi ka qenë i luftuar teksa rastet më të mira ishin në fundin e ndeshjes për korçarët. Abdul, Vecaj dhe Liço shpërdoruan tre raste të pastra, me portierin Moura që i jep kështu një pikë Besës duke mbajtur katërkëndëshin të paprekur.

Pas 12 javësh Skënderbeu me 20 pikë renditet në vendin e tretë, teksa Besa me 19 pikë në vendin e katërt. Nesër në 12:00 dhe 13:00 zhvillohen edhe ndeshjet e tjera të Kategorisë së Parë.

Përplasja në fundin e ndeshjes:

 
Rastet e humbura:
 
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera