Guadalajara, Meksikë - Një shtatore gjigante prej bronzi e legjendës së futbollit brazilian, Pele, është vendosur jashtë stadiumit 'Jalisco' në Guadalajara përpara Kupës së Botës 2026.

Imazhet tregojnë punëtorët duke ngritur dhe pozicionuar skulpturën që peshon tre ton dhe është nëntë metra e lartë, ndërsa kalimtarët kuriozë u mblodhën për ta parë.

I krijuar nga artisti meksikan Alejandro Velazco, monumenti i titulluar 'La Canarinha' përshkruan Pelenë duke festuar gjatë Kupës së Botës 1970 në Meksikë, ku Brazili fitoi turneun. Stadiumi 'Jalisco' është një nga vendet që do të presë ndeshjet gjatë Kupës së Botës 2026.

Pele ia doli që ta fitonte tre herë Kupën e Botës me Brazilin në vitet 1958, 1962 dhe 1970. Legjenda e futbollit botëror u nda nga jeta më 29 dhjetor 2022 në moshën 82-vjeçare.