TIRANË - Një prej protestuesve të Partisë Demokratike ka humbur ndjenjat gjatë protestës së sotme përpara parlamentit. Fillimisht i kanë ardhur në ndihmë disa protestues, të cilët e kanë larguar nga turma dhe e kanë vendosur pranë murit rrethues të parlamentit.

Pak çaste më pas ish kandidati i Partisë Demokratike për Bashkinë e Tiranës, Halim Kosova, i cili ndodhej në këtë protestë është afruar për t'i ardhur ndihmë protestuesit që i kishte rënë të fikët. Pas ndihmës së doktor halim Kosovës, njëherësh ish-ministër i Shëndetësisë gjendja e protestuesit është përmirësuar, ndërsa të afërmit e kanë nisur drejt spitalit për ndihmë më të specializuar.
 
Redaksia Online
(Gre.M/Shqiptarja.com)