Videopërgjimi, Balliu ndërhyri
për minierën e kromit, Rehovë

TIRANE- Gazeta Shqiptarja.com vazhdon sot me zbulimin e detajeve të videos Prifti- Balliu, duke publikuar hollësitë e propozimit të botuesit të gazetës 55 , bërë ish-ministrit të Ekonomisë, në mars të vitit të kaluar. 

“Me anë të një “rokade”, Fahri Balliu, i përfolur tashmë për jo pak afera korruptive, nëpërmjet lidhjeve me pushtetarët, ka synuar të largojë një kompani turke nga investimi i bërë në Shqipëri, për t’ia kaluar atë një kompanie, sërish nga Turqia, por ku kishte interesa direkte ekonomike. Të tilla, sa që nuk e kishte për gjë t’i ofronte kreut të atëhershëm të METE-s, që kishte të drejtën e firmës, qindëra mijëra euro rryshfet.”- shkruan "shqiptarja.com" në kryeartikullin e saj “Fahri Balliu ndërhyri për skrap e bakër, i firmosi ministri Naço” të gazetarit Genc Kondi.

Konkretisht, më 1 mars të 2010-ës, në zyrën e Dritan Priftit, ai i ka propozuar këtij të fundit që të largojë nga miniera kromit të Rehovës në rrethin e Korçës.
Kompaninë "Dedeman Albania Mining shpk" dhe ta zëvendësojë lejen minerare të saj me një leje shfrytëzimi për kompaninë turke "North Star Mining
shpk.

Si u prish kontrata me kompaninë Dedeman, dhe iu dha leja kompanisë “North Star”; pse miniera nuk punon akualisht, procesi gjyqësor, dhe detajet e tjera të skandalit mund t'i lexoni sot në Shqiptarja.com.
(s.gera/ shqiptarja.com)