Kontrollet në vijën bregdetare të Vlorës po vijojnë çdo ditë, me inspektorët e Agjencisë Kombëtare të Bregdetit që monitorojnë administrimin e plazheve publike, zbatimin e kontratave dhe respektimin e rregullores në fuqi.

Pamje nga puna në terren janë publikuar nga ministri i Turizmit, Blendi Gonxhja, i cili shkruan se monitorimet shoqërohen edhe me komunikim të vazhdueshëm me operatorët e stacioneve të plazhit. Sipas tij, synimi është më shumë rregull në administrimin e bregdetit dhe më shumë hapësirë publike për qytetarët dhe pushuesit.

"Në Vlorë, vijon çdo ditë puna në terren e inspektorëve të AKB-së për garantimin e administrimit të rregullt të vijës bregdetare dhe mbrojtjen e hapësirave të plazheve publike. Përmes monitorimeve të vazhdueshme dhe komunikimit me operatorët e stacioneve të plazhit, po garantohet zbatimi i kontratave dhe respektimi i rregullores në fuqi. Më shumë rregull. Më shumë hapësirë publike për qytetarët dhe pushuesit. Një bregdet për të gjithë" shkroi Gonxhja në rrjete sociale. 

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Qershor, 15:40

    Si ju duket plani i protestës për të shpërndarë qeverinë e Kuvendin dhe zgjedhja me short mes qytetarëve?

Lajme të tjera