Aksioni për lirimin e hapësirave publike nga ndërtimet e paligjshme po vazhdon në mbarë vendin, teksa forcat e IKMT-së kanë zbritur në terren për të shembur strukturat zaptuese.

Pamjet e publikuara të mërkurën nga kryeministri Edi Rama tregojnë ndërhyrjen e eskavatorëve për heqjen e ndërtimeve prej betoni dhe hekuri në zonën e Shirokës në Shkodër.

Gjatë ndërhyrjes u prishën dy objekte të ndërtuara pa leje, në kundërshtim me ligjin.

Inspektorati Kombëtar i Mbrojtjes së Territorit (IKMT) po vijon aksionin e prishjes së ndërtimeve pa leje në gjithë vendin, me synim rikthimin e hapësirave publike dhe mbrojtjen e territorit.. Në terren janë edhe forca policie për të garantuar sigurinë gjatë operacionit teksa kryeministri zotohet se puna do të vijojë deri në fund.

Ndërkohë, një pjesë e madhe e rasteve denoncohen nga vetë qytetarët në platformën “Hapësira ime publike”. Deri tani janë raportuar 19 728 raste, ku 15 179 janë zgjidhur dhe 4 549 të tjera janë ende në shqyrtim.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera