Vip-at pushtojnë rrjetet
sociale me urime!

Të veshur Kuq e Zi nga koka të këmbët apo të mbuluar me flamurin shqiptar, rrjetet sociale janë pushtuar që në orët e para të mëngjesit të ditës së djeshme nga urimet dhe fotot e artistëve shqiptarë anembanë botës.

Në 101 vjetorin e Pavarësisë së Shqipërisë nuk kishin si të mungonin urimet nga artistë të ndryshëm në të gjitha rrjetet sociale.

Futbollisti Lorik Cana ka zgjedhur një mënyrë shumë prekse duke uruar 101 vjetorin e Pavarësisë.



“101 Vjet shtet! Zoti e bekoftë Ditën Tonë të Shenjtë – 28 Nëntorin!  Zoti e bekoftë Shqipërinë dhe të gjitha tokat shqiptare jashtë kufijve të saj administrativë! Zoti i bekoftë të gjitha qeniet arbërore! Gëzuar!"

Ndërsa Miss-i Afroviti Goge nga Filipina ka zgjedhur rrjetin social “facebook” për të uruar të gjithë shqiptarët: “Gëzuar Shqipëria ime e madhe! Je më e mira në botë ! Të dua!”.

Ndërkohë, urimeve për 101 vjetorin e Pavarësisë iu janë bashkuar edhe artistët Kosovarë.



Këngëtarja kosovare Nora Istrefi shkruan: “Urime festa e 28 NËNTORIT, proud to be Albanian"!(krenare që jam shqiptare).

Futbollisti Xherdan Shaqiri nuk ka harruar të urojë nga Zvicra Shqipërinë për festën e 28 Nëntorit. Ylli kosovar me pasaportë zviceriane ka treguar edhe një herë se ka ndjenja patriotike për atdheun e tij. “Urime Festën e Flamurit, në 101 vjetorin e shtetit shqiptar. I juaji Shaqiri” – shkruante futbollisti Shaqiri. 

Urimin e tij ai e ka shkruar edhe në gjuhën zviceriane ndërsa ka postuar edhe një foto të shqiponjës dykrenare. 

Këtij urimi i është bashkuar edhe shkodranja Rosela Gjylbegu e cila shkruan “28 Nëntor – Dita e Flamurit dhe 101 Vjetori i Pavarsisë. Urime të gjithë dashamirësve të mi dhe gjithë Shqiptarëve kudo që ndodhen”.

Ndërsa bija e Vlorës, Maya ka zgjedhur fustanin të qëndisur me flamur ku shkruan: “Ky fustan është pjesë e klipit “Guri rëndë në vend të vet” dhe është bërë pjesë e shumë aktiviteteve të përvjetorëve të Pavarësisë. Ky flamur na ka identifikuar dhe do na identifikojë gjithmonë. Gëzuar shqiptarë kudo që ndodheni. Gëzuar Shqipëri”.



Janë të shumtë artistët që kanë postuar në rrejtet sociale, por ne kemi zgjedhur vetëm disa prej tyre. Gëzuar 101 vjetorin e Pavarësisë!

Shkrimi u botua në numrin e sotëm të gazetës "Shqiptarja.com"
Redaksia online
(B.T/shqiptarja.com)