POP 5

Lajmet më të lexuara të 5 minutave të fundit

Arkiva

Viti 2011, Naco: Do privatizohen
HEC-et e Ulzës dhe Bistricës

Naco njoftoi se METE po mbyll procedurat për garën konkurruese për HEC-et në kaskadën e Vjosa dhe Osum me fuqi të instaluar 450 MW, ndërsa ka gati për të futur në privatizim 100% të aksioneve për 4 HEC-et e mesme të Ulzës dhe Bistricës. (Ne foto: Nasip Naco)
Ministri i Ekonomisë, Nasip Naço deklaroi sot se, pavarësisht kontekstit botëror të krizës ekonomike globale dhe në eurozonë, ekonomia shqiptare arriti të sigurojë rritje ekonomike, ka sistem makroekonomik të qëndrueshëm, kryesisht nga reformat e ndërmara nga qeveria me synim, përmirësimin e prekshëm të ekonomisë shqiptare. Në analizën vjetore të punës së ministrisë, Naco vecoi sektorin energjetik si sektorin prioritar për qeverinë dhe qytetarët.

“Në këtë sektor kemi arritjet kryesore me disa nisma ligjore sikurse janë ligji për sektorin e energjsë dhe ligji për caktimin e faturës titull egzekutiv”, tha Naco, ndërsa theksoi se gati për miratim janë dhe p/ligje të tjera të rëndësishme sikurse ato për sektorin e energjisë elektrike, energjitë e rinovueshme dhe eficencën e energjisë, të cilat përbëjnë një paketë të plotë ligjore në ndihmë të konsumatorit.

“Me zbatimin e ligjeve të reja, i kursehen në vit buxhetit 50 milionë euro, të nevojshme për investimet publike”, tha Naço.

Gjatë vitit 2011, u vunë në punë linja 400 kV Elbasan-Podgoricë, nënstacioni 400-220 kV Tirana 2 Kashar 220 kb, është gati për punë TEC-i ri në Vlorë dhe u zhvillua gara konkurruese për ndërtimin e Parkut industrial të Rashbullit.

Vjet, ministria e Ekonomisë dha 110 koncensione që parashikojnë ndërtimin e 300 HEC-ve vendore, të vegjël, të mesëm dhe të mëdhenj, me fuqi të instaluar 1400 Megavat, ndërsa u nënshkruan 12 kontrata të reja për 50 HEC-e me 300 fuqi megavat dhe vlerë 40 miliardë lekë investime.

“Vetëm në 3-mujorin e fundit 2011, nisi prodhimi në 4 HEC-e me vlerë investimi 3 miliardë lekë dhe fuqi të instaluar 20 MW”, tha Naço.

Ai njoftoi se METE po mbyll procedurat për garën konkurruese për HEC-et në kaskadën e Vjosa dhe Osum me fuqi të instaluar 450 MW, ndërsa ka gati për të futur në privatizim 100% të aksioneve për 4 HEC-et e mesme të Ulzës dhe Bistricës.


“Ky proces do të rrisë liberalizimin e tregut të energjisë, konkurencën e cmimeve, përmirësim në furnizimin me energji elektrike dhe e kthen Shqipërinë në fuqi energjetike në rajon”, tha ministri i Ekonomisë, Nasip Naço. ah/Shqiptarja.com/

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50