POP 5

Lajmet më të lexuara të 5 minutave të fundit

Ekonomi

Viti 2014 nis me 314 271 lekë
borxh për çdo shqipta

Qytetarët shqiptarë do të mbartin një nivel të lartë borxhi për frymë edhe këtë vit. Nga viti që sapo lamë pas, 2013-a, çdo shtetas shqiptar sipas "Open Data", do të trashëgojë një sasi prej 314.271 lekësh borxh ose rreth 9.8% më shumë se në 2012-n.
TIRANE- Qytetarët shqiptarë do të mbartin një nivel të lartë borxhi për frymë edhe këtë vit. Nga viti që sapo lamë pas, 2013-a, çdo shtetas shqiptar sipas "Open Data", do të trashëgojë një sasi prej 314.271 lekësh borxh ose rreth 9.8% më shumë se në 2012-n. Për vitin 2013, stoku i borxhit u parashikua të shkonte në rreth 895.7 miliardë lekë. Në këto kushte, një familje shqiptare mesatare prej 4 personash, do të mbart këtë vit nga viti 2013 një borxh prej 1.257.084 lekësh.

Por ndërkohë, nuk duhet harruar se jo e gjithë popullsia kontribuon me taksa dhe tatime në buxhetin e shtetit. Kjo do të thotë se “borxhi për taksapagues” apo persona që realisht do e shlyejnë atë është akomë më i lartë. Në fakt, ka pak gjasa që borxhi për frymë këtë vit të qëndrojë në këtë nivel, pasi më 30 Shtator 2012, Ministria e Financave raportoi një stok borxhi 9-mujor prej 814 miliardë lekësh, që ishte afërsisht 99.79% e stokut të borxhit që duhej të rezultonte deri në fund të vitit.

"Borxhi për frymë” ka përjetuar një rritje me ritme jo të ngadalta. Rritjen më të madhe e ka pasur në vitin 2011, krahasuar me vitin 2010, me rreth 22.27%. Kjo rritje e madhe erdhi kryesisht nga ulja e numrit të popullsisë së raportuar nga INSTAT, me rezultatet e Censusit 2011, nga e cila rezultoi një popullsi 11.27% më e vogël se sa në vitin 2010.

Si një ndër indikatorët më të rëndësishëm, i cili ndihmon në gjykimin e aftësisë paguese së një shteti për të shlyer borxhin e tij, shuma e "borxhit për frymë" paraqet një interes të veçantë për t’u marrë në shqyrtim.

Ai llogaritet si raporti mes borxhit total publik të emetuar dhe ende të pashlyer, me popullsinë në një vit të caktuar dhe është një ndër elementët kryesor që përcakton riskun dhe normën e interesit të letrave me vlerë.
 
Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Frrok Çupi: Pse Sali Berisha u vjen rrotull burgjeve?

Frrok Çupi: Pse Sali Berisha u vjen rrotull burgjeve?

11 Janar, 15:42 nga Frrok Çupi