TIRANE-Viti 2016, është mbyllur me shifrën rekord prej 19,834 debitorësh te tatimet. E dhëna vjen përmes Drejtorisë së Përgjithshme të Tatimeve, e cila ka publikuar në faqen e vet zyrtare listën me subjektet debitore.

Bie në sy se rreth 5 mijë prej këtyre debitorëve i janë shtuar listës gjatë vitit 2016. Disa prej këtyre subjekteve rezultojnë debitorë që prej vitit 2009.
 
Drejtoria e Përgjithshme e Tatimeve shpjegon se publikimi i saj bëhet që të njoftojë të gjitha palët që kanë interesa me këta tatimpagues se subjektet janë debitore ndaj administratës tatimore.

Nga ana tjetër, “lista e zezë” e kompanive me detyrime të pashlyera bën të mundur që në rastin e parë që subjekti debitor paraqitet për të kryer veprime nëpër institucionet shtetërore, i bllokohet çdo veprim deri në shlyerjen e detyrimeve.

(d.b/Shqiptarja.com)