Vizita e Ramës në Athinë, Mitsotakis: Greqia s'do ta ndalonte kurrë një lider të huaj të takonte bashkëatdhetarët e tij! Koha, jo e duhura

Kryeministri i Greqisë Kyriakos Mitsotakis, e quan normal takimin që Edi Rama do të zhvillojë me emigrantët shqiptarë në Athinë. Gjatë një interviste për televizionin “Alfa” tha se Greqia është një vend demokratik dhe nuk mund të ndalojë një kryeministër të huaj që të bëjë një takim me bashkatdhetarët e tij në Athinë.

“Greqia është një vend demokratik, i cili ka garantuar me kushtetutë të drejtën e tubimit dhe padyshim që askush nuk do ta ndalonte kurrë një lider të huaj që të vinte të bënte një vizitë private në vendin tonë, të bisedonte me bashkatdhetarët e tij”, tha ai.

LEXO EDHE:
Rama jep 200 certifikata pronësie në Theth, edhe për Kishën: Falim gjobat për ndërtimet pa leje! Brenda vitit përfundon rruga e Dukagjinit

Nga ana tjetër kryeministri grek nuk ka lënë pa shprehur pakënaqësinë e tij për kohën që ka zgjedhur Rama për të zhvilluar takimin në Athinë.

“ Nëse tani më pyesni nëse koha e kësaj vizite, disa javë para zgjedhjeve evropiane dhe me çështje të hapura lidhur me pakicën kombëtare greke në Shqipëri, është koha e duhur, do t'ju them se nuk është më e drejta. Koha . Por, përtej kësaj, mos i jepni më rëndësi”, shtoi Mitsotakis, raportojnë mediet e greke.

Lajmi kryesor:

Takimi i Ramës me shqiptarët në Athinë, mediat greke: Qindra policë për sigurinë e tij! Shoqërohet nga 150 persona, mes tyre disa kryebashkiakë

B.K/SI.E./Shqiptarja.com

TAG:
• Kyriakos Mitsotakis
• greqi
• edi rama