POP 5

Lajmet më të lexuara të 5 minutave të fundit

Kronikë

Vjedhja në Albpetrol, roli i
presidentit dhe drejtorit

Si u ble 4 herë më shumë autosonda 470 mijë dollarë. Roli i presidentit të firmës dhe drejtorit të ndërmarjes.
Blenë autosondën e prishur 470 mijë $, 6 në pranga/ VIDEO
TIRANE-Pesë zyrtarë të lartë të Albpetrolit në Fier dhe Presidenti i firmës “ABAJERA” u arrestuan dje për shkak të mosplotësimit të kushteve për tenderin e një autosonde që e blenë 47 milionë lekë të reja, teksa vlera reale ishte 130 mijë USD.

Kallzimi penal që KLSH-ja, bëri para një viti ndaj 5 anëtarëve të komisionit të tenderave, u shndërrua dje në vendim gjykate, ku mbeten në burg personat e denoncuar. Pritet që hetimet të zgjerohen, në bazë të kallzimit, të bërë tetorin e kaluar nga Kontrolli i Lartë i Shtetit.

Të arrestuarit dhe akuzat
Strukturat e Krimit Ekonomik në Policinë e Fierit dhe Task-Forca e Prokurorisë atje, finalizuan operacionin e koduar “Albpetrol 1”, çka vetvetiu tregon se aksionet do të vijojnë. Kështu, në pranga ra Shpëtim Rama, 49 vjeç, banues në Patos Fier, president i Firmës “ABAJERA”. Kompania e tij është regjistruar në QKR më 8 tetor të 2002-shit, me nr vendimi: 28361, nga Gjykata e Tiranës, me kapital 100.000 lekë dhe me objekt: Autoservis mjetesh, tregtim me shumicë e pakicë, import eksport i paisjeve, makinerive, etj. Personat e tjerë që u lanë në burg nga gjykata janë tri ekonomistët e “Albpetrol SH.A”, Vilson Ndoni, 32 vjeç, Gramoz Kodhelaj, 55 vjeç dhe Dhionis Ceco, 60 vjeç, inxhinieri teknik Vladimir Xhaferaj, 50 vjeç dhe Drejtori i Ndërmarrjes së Nxjerrjes së Naftës në “Albpetrol SH.A”, Hil Gjeka, 47 vjeç. Këta shtetas dyshohet se në bashkëpunim me njëri-tjetrin kanë kryer blerjen e një autosondë me kullë 30 tonësh me vlerë 47.640.000 lekë, me TVSH, të cilën nuk rezulton ta kenë blerë nga kontraktori firma “Abajera”, sipas kushteve të përcaktuara në dokumentet e tenderit. Për këta shtetas Gjykata e Rrethit Gjyqësor Fier ka caktuar masën e sigurisë “Arrest në burg”, si të dyshuar për veprat penale “Mashtrim” dhe “Shpërdorim detyre” e kryer në bashkëpunim, parashikuar nga nenet 143/2, 248 e 25 të Kodit Penal.

Sipas KLSH, kontrata është realizuar me 17 muaj me vonesë, pa u aplikuar kamatëvonesa. Autosonda e blerë nuk është sipas kërkesave të parashikuara në kontratë, as me kilometrazh zero, as me tre akse aktivë (1 para dhe 2 mbrapa), por vetëm me një aks aktiv të pasmë, në kundërshtim me specifikimet teknike. Mungesa e dy akseve shkakton kufizimin e funksionimit të saj në terrene të vështira natyrore, të fuqisë dhe kapacitetit të saj motorrik, si dhe dobisë së saj.
 
 Shkrimi u publikua sot (7.11.2013) në gazetën Shqiptarja.com (print)

Redaksia Online
(d.d/shqiptarja.com­)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Termometri politik, sondazhi i përmuajshëm ekskluzivisht në Frontline sot në 21:00 në Report Tv

Termometri politik, sondazhi i përmuajshëm ekskluzivisht në Frontline sot në 21:00 në Report Tv

16 Janar, 17:18