Revista gjermane “Der Spiegel” ka një traditë të gjatë të akuzave paushalle ndaj krerëve të Ushtrisë Çlirimtare të Kosovës. Këtë traditë tani e ka përsëritur edhe një gazetar i “Der Spiegel” gjatë një bisede me kryetaren e Kosovës. Ai i është drejtuar Vjosa Osmanit me këtë pyetje: “Presidenti Thaçi, shpeshherë i shpotitur si zagar në prehër të amerikanëve, gjendet në burg në Hagë. A nuk ka ardhur koha për t’u emancipuar (Kosova) nga fuqia botërore SHBA?” Përgjigjja e Osmanit ka qenë e qartë: “Përkundër krejt diferencave politike që mund t’i kemi pasur me Thaçin, askush nuk do të duhej ta quante atë ‘zagar të amerikanëve’. Thaçi ka qenë kryeministër dhe kryetar në kohëra historike. Sa i përket marrëdhënieve me SHBA-në: ato nuk varen nga personeli udhëheqës politik. Ato janë një lidhje e veçantë, që na mbajnë bashkë. Ne nuk e harrojmë rolin e amerikanëve në Kosovë në vitet 90-të”.
Sipas Osmanit, për aq kohë sa Serbia destabilizon rajonin, prania e SHBA-së dhe ndërkombëtare është e domosdoshme në rajon.
Osmani ka kundërshtuar revistën gjermane edhe lidhur me konstatimin se me kërkesën e saj që Serbia të kërkojë falje për krimet në Kosovë nuk ka kontribuuar për shtendosjen e situatës. Presidentja tha se ajo i përket një gjenerate politike në Kosovë që pa ngurrim shprehet si në Kosovë ashtu edhe në botën e jashtme. “Një trup i cili është i lënduar rëndë, nuk shërohet duke e qepur lëkurën në sipërfaqe. Në rastin e Kosovës kjo domethënë: kërkoj të gjenden viktimat e zhdukura të luftës – kjo duhet të pranohet nga Serbia. Përndryshe prej 2000 të pagjeturve gati një e treta nuk janë shqiptarë. Të gjithë këta meritojnë drejtësi. Por pala serbe nuk i tematizon krimet e kryera nga regjimi i Millosheviqit, madje edhe më keq: kjo trashëgimi po mbrohet”.
Në ndërhyrjen e gazetarit se Osmani po e përdor fjalën gjenocid sa i përket krimeve serbe pa pasur bazë juridike, presidentja u kundërpërgjigj: “E kam zgjedhur nocionin gjenocid me vetëdije. Ai përshkruan qëllimin e një vendi për të shfarosur një komb. Dhe pikërisht kjo ka ndodhur në Kosovë. E kam fjalën për ngjarjet në Mejë, e njohur si ‘Srebrenica e Kosovës’, dhe në Poklek, ku jo vetëm janë vrarë 54 fëmijë dhe plaka, por pastaj edhe janë djegur. Qëllimi ka qenë që të zhduken nga faqja e dheut. Willy Brandt ka thënë njëherë se kur mungojnë fjalët, duhet rënë në gjunjë. Pikërisht këtë e presim nga Serbia: rënien në gjunjë”.
Osmani i ka bërë apel presidentit serb që kriminelët të nxirren para gjyqit. Në Kosovë, sipas saj, janë përdhunuar mijëra gra. Shumë gra kanë identifikuar kriminelët, Vasfije Krasniqi Goodman për shembull, ajo është parlamentare. Padia e saj ka mbetur pa efekt. Osmani ka kritikuar BE-në për zvarritjen e heqjes së vizave për qytetarët e Kosovës dhe ka nënvizuar se identiteti i kosovarëve “është europian”.
Presidentja Osmani tha se nuk dëshiron të përzihet në punën e gjykatave, kur u pyet nga “Der Spiegel” mbi Gjykatën Speciale. Ajo tha: “Kosova s’ka asgjë për të fshehur. Me rëndësi është të mos ketë një barazim moral mes asaj që ka kryer aparati shtetëror serb dhe asaj që ndoshta kanë bërë individët – jo Kosova si vend apo UÇK”. Raportin e Dick Martytit Osmani e quajti një njollë të padrejtë që maskon të vërtetën: “Ne kosovarët kemi qenë viktima të regjimit gjenocidal të Millosheviqit”.
Lajme të tjera
-
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50
