POP 5

Lajmet më të lexuara të 5 minutave të fundit

Ekonomi

VKM/Plazhet nën administrimin
vendor, 20% duhet të jenë publike

Këtë vit pushuesit, që do të zgjedhin të kalojnë pushimet e tyre në bregdetin shqiptar, do të mund ta bëjnë këtë me shërbim. Risia janë vendosja e stacioneve të plazhit. Për këtë, Qeveria ka miratuar një vendim për të rritur cilësinë e shërbimeve në plazhet publike dhe për t’u siguruar qytetarëve aksesin tek to.
VKM/Plazhet nën administrimin<br />vendor, 20% duhet të jenë publike
TIRANE- Këtë vit pushuesit, që do të zgjedhin të kalojnë pushimet e tyre në bregdetin shqiptar, do të mund ta bëjnë këtë me shërbim. Risia janë vendosja e stacioneve të plazhit. Për këtë, Qeveria ka miratuar një vendim për të rritur cilësinë e shërbimeve në plazhet publike dhe për t’u siguruar qytetarëve aksesin tek to. Si rrjedhojë, çdo njësi e qeverisjes vendore, do të lërë në dispozicion për “Plazh Publik”, 20% të territorit të përgjithshëm të plazhit që ka në përgjegjësi administrimi dhe që është subjekt autorizimi për përdorim. Gjithashtu, në bazë të këtij vendimi, do t’i jepet rëndësi hapësirës së gjelbër, arredimit të çadrave të plazhit, shërbimeve të higjienës dhe mirëmbajtjes.
 
STACIONET
Në bazë të pikës 1 të kësaj VKM-je, e cila është për disa shtesa dhe ndryshime në VKM nr. 358 datë 01.06.2012 “Për sigurinë në det, plazhe dhe në ujërat e brendshme në thellësi të territorit”, shtohet në pikën 3 të “Dispozitave të Përgjithshme”, përkufizimi i mëposhtëm:"Stacione plazhi është veprimtaria turistike e ushtruar nga personat fizikë ose juridikë në strukturat e pozicionuara në breg të detit, të liqeneve ose lumenjve, të pajisura për plazh me kabina, dhoma zhveshjeje, shërbime higjienike dhe dushe. Strukturat mund të jenë të pajisura me impiante të tjera dhe pajisje për përgatitjen e pijeve dhe ushqimeve dhe për ushtrimin e aktiviteteve të tjera të lidhura me plazhin, si: banja dielli, kurat termale, aktivitete sportive dhe argëtuese”.
 
SHËRBIMI
Në VKM-në Nr.358 është shtuar Shtojca B, e cila shpjegon te gjitha dispozitat, për sa i përket stacioneve të plazheve. Si rrjedhojë, në stacionet e plazheve do të ketë hapësira të gjelbra ose zona të përbashkëta, të cilat të jenë të paktën 1% deri në 5% e sipërfaqes së përgjithshme të stacionit të plazhit. Çadrat dhe ndenjëset e pushuesve të vendosen jo më afër se 7.5 m nga bregu. Gjithashtu hapësira midis çadrave (nga çadra në çadër) në stacionet e pozicionuara në zonat ranore duhet të jetë më e madhe se 2,5 m, ndërsa për ato shkëmbore. Për çdo 50 çadra do të ketë 1 dush me ujë të ëmbël, 2 kabina zhveshjeje, si edhe 2 kabina për shërbime higjienike (1 për burra dhe 1 për gra). Për më tepër, shërbimi për pastrimin dhe mirëmbajtjen e stacionit të plazhit do të jetë ditor, në mëngjes dhe në mbrëmje pas mbylljes së plazhit. Nuk do të lejohet vendosja e elementëve ndarës, gardhe apo të tjerë të ngjashëm me to, në të gjithë territorin e plazhit. Për ndjekjen dhe zbatimin e kësaj VKM-je, ngarkohen Ministria e Zhvillimit Urban dhe Turizmit dhe Agjencia Kombëtare e Bregdetit.

tabela stacionet e plazhit

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51