Rreth orës 19:00 në Sallën Operative të Komisariatit të Policisë së Vlorës është marrë njoftim se një shtetas që ishte duke udhëtuar me automjetin e tij në afërsi të varrezave të Dukat Fushë i kanë dalë përpara dy persona të maskuar dhe nën kërcënimin e një arme zjarri tip pistoletë i kanë marrë shumën prej 26 mijë lekësh.

Nga puna e bërë është arritur të bëhet identifikimi, kapja dhe arrestimi në flagrancë i autorëve të dyshuar për këtë ngjarje, të cilët janë shtetasit: M. B., 17 vjec dhe N. B., 16 vjec, të dy banues në Dukat Fushë.

Në banesën e shtetasit M. B. janë gjetur: 1 armë zjarri tip pistoletë TT mod 54, 1 automatik (kallashnikov) mod 56, 1 armë gjaku teke, 2 maska të cilat janë përdoru për të realizuar vjedhjen me armë disa karikatorë si dhe 350 fishekë. ah/shqiptarja.com/