VLORË-Një sasi prej 9476 rrënjë bime narkotike kanabis sattiva e ndarë në 18 parcela është asgjësuar nga policia e Vlorës ndërkohë që dy vëllezërit kultivues janë shpallur në kërkim.Pëllumb Nushaj, 61 vjeç dhe Gëzim Nushaj, 51 vjeç të dy banues në fshatin Penkovë u shpallën në kërkim pasi përreth banesave të tyre policia ka gjetur të mbjellw kanabisin

Droga u zbulua nëfshatin Dushkarak ku u asgjësua me djegie nw 13 parcela përgjatë Lumit Vjosë me rreth 5.960-rrënjë bimë narkotike, të mbjella në vendin e quajtur “Zatop”, me lartësi 15-200 cm.

Sasia tjetër u gjend në fshatin Penkovë ku u asgjësuan  5 parcela në vendin e quajtur “Përroi i Lofatës” me rreth 3.516-rrënjë bimë narkotike, me lartësi 30-200 cm.

Ndërkohë Policia po punon për identifikimin dhe kapjen e autorëve të tjerë të kultivimit të bimëvë narkotike në fshatin Dushkarak dhe Penkovë.

Redaksia online
(S.M/shqiptarja.com)