POP 5

Lajmet më të lexuara të 5 minutave të fundit

Sociale

77-vjetori i LANÇ/ Leli në Vlorë: 92 djemtë e vajzat, simbol i qëndresës e dashurisë për atdheun (VIDEO)

Përkujtohen 92 të rënët e Kuçit në Vlorë. Në një ceremoni të organizuar me rastin e 77 vjetorit të luftës Nacional Çlirimtare, Kryebashkiaku i Vlorës dhe Himarës e kanë cilësuar këtë datë si ngjarjen më të rëndësishme të Labërisë.

Kurora dhe mirënjohje për 92 të rënët e Kuçit  në luftën e dytë botërore, por edhe përkujtimi i 77-vjetorit të luftës Nacional Çlirimtare kanë sjellë në një ceremoni dy kryebashkiakët e Vlorës dhe Himarës. Dritan Leli dhe Gjergji Goro, të shoqëruar nga deputeti Qarkut Edmond Leka , kanë përkujtuar këtë datë të rëndësishme për historinë e gjithë trevës. Ata janë ndalur për homazhet e rastit në varrezat e dëshmorëve të fshatit Kuç, të konsideruar si zemra e labërisë.

Për kryebashkiakun e Vlorës Dritan Leli, 92 djemë e vajza të rënë gjatë luftës së dytë botërore,  janë simbol i qëndresës dhe dashurisë për atdheun.

"Varrezat e Kuçit janë simbol i qëndresës që kanë bërë këta njerëz, duke vendosur më të shtrenjtën gjë që kishin në jetën e tyre në themelet e shqipërisë moderne. Për mua është një emocioan që jam sot"- ka thënë Leli.

Ndërsa kreu i Bashkisë së Himarës, Gjergji Goro i ka cilësuar ngjarjet si më të rëndësishmet në gjithë trevën e Kurveleshit.

"Sot festojmë ditën e çlirimit të Kurveleshit, është në 25 qershor dhe jemi mbledhur sot këtu në këtë vend smbolik, në varrezat e dëshmorëve të Kuçiit dhe përkujtojmë atë ditë të shënuar ku bijtë dhe vajzat e Kurveleshit dhanë jetën për të çliruar këtë vend"-është shprehur Goro.

Edhe deputeti i qarkut Edmond Leka , u shpreh se është e rëndësishme të përkujtojmë me respekt dhe mirënjohje të gjithë ata që dhanë jetën që Shqipëria të jetë një vend i lirë.

25 Qershori, dita e Çlirimit të Kurveleshit është ditë e shënuar për trevën e Labërisë, ditë e cila përmendet në histori  për rezistencën dhe kryengritjen e gjithë banorëve të kësaj treve malore.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Ndërron jetë Sabah Bizi, legjenda e fubollit shkodran dhe Kombëtares

Ndërron jetë Sabah Bizi, legjenda e fubollit shkodran dhe Kombëtares

16 Janar, 13:52