POP 5

Lajmet më të lexuara të 5 minutave të fundit

Sociale

Dhjetëra shpendë të egër të ngordhur në plazhin e Vlorës, ekspertët për Report Tv: Dyshohet për gripin e shpendëve, nesër bëjmë analizat, s’ka rrezik për qytetarët

Një ngjarje shqetësuese është raportuar në Plazhin e Vjetër, ku janë gjetur dhjetëra shpendë të ngordhur. Kjo situatë ka ngritur alarmin për shëndetin publik dhe atë mjedisor, duke shqetësuar qytetarët që frekuentojnë zonën për ecje dhe aktivitete sportive.

Dhjetëra shpendë të ngordhur janë konstatuar në plazhin e vjetër në Vlorë pasditen e kësaj të shtune. Ato janë vërejtur nga qytetarë të cilët frekuentonin zonën për ecje. Pamjet e shpërdara prej tyre kanë ngritur shqetësimin për shëndetin publik dhe atë mjedisor.

Të kontaktuar nga Report Tv ekspertë të fushës ngrenë dyshimin se rasti mund të lidhet me gripin e shpendëve. Sipas drejtorit të veterinarisë në Vlorë, Atila Kojdheli dyshohet se ngordhja e shpendëve të egër të jetë nga virusi i gripit pas identifikimit të një vatre në Shqipëri në muajin dhjetor në Zall Herr.

Pavarësisht se zona u karantinua, shpendët e egër janë të parat që preken nga gripi dhe bëhen mbartës të virusit. Drejtori i veterinarisë në Vlorë thotë se mëngjesin e së dielës do të nisin menjëherë nga mbledhja e shpendëve të ngordhur në zonë e plazhit të vjetër dhe kryerjen e analizave për të gjetur shkakun.

Eksperti sqaron se nuk ka asnjë rrezik për qytetarët pasi gripi i shpendëve nuk përhapet te njeriu. Shqetësimi i vetëm i vetërinerëve lidhet me fatin e shpendëve në fshatra dhe tek fermat e mëdha. Ndaj sipas tyre është me rëndësi vaksinimi në kohë i shpendëve dhe masat e izolimit në rastet e identifikimit të prekjes.

1736009130_vlore.jpeg

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 05/01/2025 03:04

    Ore //ekspert//,California deklaroi gjendje emergjence per gripin e zogjve,se perhapet e kalon nga zogjte te gjedhet,te shpezet e pularive e te njerezit e eshte nje rast personi qe u shtrua ne gjendje te rende ne spital me grip shpendesh e ti thua nuk kalon te njeriu!! E ke marre vesh apo jo qe ka aftesi te beje mutacion te shpejte?! Te pakten jepni njoftim qe zogjte e ngordhur te mos preken e mblidhini sa me shpejt e thuajuni njerezve te kene kujdes deri ne nje njoftim te dyte pas daljes se analizave!

    Përgjigju
  • Who Cares: 04/01/2025 22:23

    Edhe sikur ne te na kanoset tragjedia me e madhe, kemi nje kryeminister qe ka ndertuar kulle per vete, dhe nje qeveri qe qartesisht na konsideron dele te skarcueshme.

    Përgjigju
  • xXx: 04/01/2025 20:30

    Rezultatet e anijeve kancerogjene qe jane parkuar ne Zvernec...

    Përgjigju
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

'Familja Hoxha brenda një viti konsumoi 2 tonë mish e 7 kuintalë sallam' - Raporti i Kontrollit të Shtetit, për abuzimet e udhëheqjes së PPSH-së

'Familja Hoxha brenda një viti konsumoi 2 tonë mish e 7 kuintalë sallam' - Raporti i Kontrollit të Shtetit, për abuzimet e udhëheqjes së PPSH-së

6 Janar, 21:38