Vlorë/ I ati po punonte me frezë, 5 vjeçari dëmtohet në kokë, mushkëri dhe këmbë, në gjendje të rëndë dërgohet te Trauma

Një fëmijë vetëm 5 vjeç është aksidentuar nga freza, një pajisje bujqësore që përdoret për të punuar tokën. Aksidenti i rëndë ka ndodhur pasditen e djeshme (23 janar) rreth orës 18:00 në fshatin Llakatund të Vlorës në momentin kur babai nuk e kishte parë të miturin teksa i afrohej pajisjes. 

Fëmija ka marrë plagë të shumta dhe pas mjekimit në spitalin e Vlorës është dërguar me urgjencë në spitalin e Traumës në Tiranë. 5 vjeçari është plagosur rëndë në kokë dhe mushkëri por dëmet më të mëdha i ka tek këmbët. 

Si pasojë e plagëve të rënda, vogëlushi ka pësuar edhe hemorragji të brendshme por fatmirësisht thirrjes për gjak iu përgjigj një numër i lartë qytetarësh duke plotësuar nevojat. Por gjendja e 5 vjeçarit vijon të mbetet kritike. 

Ditën e djeshme, në fshatin Llakatund, dyshohet se është dëmtuar aksidentalisht, një shtetas 5 vjeç, me mjetin bujqësor (frezë) me të cilin punonte babai i tij. I mituri është transportuar në spitalin e Traumës, ku është në kujdesin e mjekëve, informoi sot paradite policia e Vlorës. 
 

Rendit zhvillimet sipas orarit:
Ora 15:44
Detaje nga plagosja e rëndë me frezë e 5 vjeçarit në Vlorë: I ati nuk e pa kur i mituri iu afrua pajisjes! Fëmija me plagë të shumta në këmbë

1705933149_1574844135trauma.jpg

Detaje të reja janë mësuar nga ngjarja e rëndë e ndodhur ditën e djeshme në Vlorë ku një fëmijë 5 vjeç është aksidentuar nga freza ditën e martë rreth orës 18:00. Babai i të miturit ka qenë duke punuar tokën kur fëmija i është afruar frezës. Nuk e ka parë kur djali i është afruar pajisjes.

Fëmija është plagosur rëndë në kokë dhe mushkëri por dëmet më të mëdha i ka tek këmbët. Si pasojë e plagëve, ka pësuar edhe hemorragji të brendshme. Gjendja e tij mbetet kritike për jetën.

Por fatmirësisht thirrjes për gjak i janë përgjigjur një numër i lartë qytetarësh dhe janë plotësuar nevojat.

SI.E./B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Ministri i Kosovës: Beogradi përgjegjës për tensionet mbi dinarin

Ministri i Kosovës: Beogradi përgjegjës për tensionet mbi dinarin