Vlorë- Fadromat e IKMT-së kanë zbarkuar sërish mëngjesin e kësaj të mërkure (18 qershor), në fshatin turistik të Radhimës.

Krahas objekteve të tjera të parashikuara në zonë për t’u prishur, IKMT është ndalur edhe tek një subjekt privat që funksionon si dhoma plazhi, hotel dhe beach-bar.

Rosela Toska, administratore e subjektit, thotë se ka marrë të gjitha lejet e shfrytëzimit të hapësirës publike si plazh, por edhe dhomave të turistëve. Ajo thotë se ka paguar edhe taksat vjetore, duke treguar edhe një dosje me dokumentacione, por sërish po i kërkojnë ta shembin.

Kjo sipas saj bëhet në kundërshtim me lejet që kanë dhënë më parë. Toska tregon se nëse do të kishte probleme, do të ishte penguar në hapat e mëparshëm dhe jo t’i ishte dhënë leja, të investonte në to kursimet dhe më pas të shemben.

A.Q/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera