VLORË- Në kulmin e sezonit turistik, që prej mesditës së djeshme, fusha e mbetjeve në Vlorë vijon të jetë e përfshirë nga flakët.
Si pasojë e djegies së mbetjeve, tymi i madh në formë reje është përhapur në të gjithë qytetin, duke krijuar shqetësime tek pushuesit. Gazetari i Report Tv Armand Xhelili raporton se flaka ka vijuar për gjatë gjithë natës, por megjithëse mjetet e bashkisë kanë qenë prezentë, ende nuk është bërë e mundur shuarja e zjarrit.
Shqiptarja.com ka siguruar pamjet me dron mbi qytetin bregdetar ku shihet qartë ndotja e krijuar si pasojë e djegies së mbeturinave.
Sot në ndihmë të zjarrfikësve, pritet që të mbërrijnë forca ushtarake për të ndërhyrë me mjetet e tyre për të bërë të mundur neutralizimin e flakëve. Dyshohet se zjarrvënie është e qëllimshme.
E njëjta situatë ka qenë edhe vitin e kaluar ku ka vijuar më shumë se 15 ditë.
Forcat e ushtrisë me makinat e tyre kanë mbërritur në Vlorë për të ndihmuar për shuarjen e flakëve në fushën e mbetjeve që vijon prej ditësh së djeshme.
Ndërkohë në redaksinë e Shqiptarja.com dhe Report Tv flakët ka mbërritur pamjet me dron natën ku duket që flakët kanë vijuar gjatë natës por dhe në këtë moment. Retë e tymit kanë mbuluar një pjesë të morë të qytetit të Vlorës duke krijuar shqetësime për pushuesit.
Nga planet në Vlorë kanë mbërritur 3 makina ushtrie në ndihmë të zjarrfikëseve.