Ish-kryebashkiaku i PD në Krujë Shkëlzen Hoxha është gjetur fajtor dhe dënuar me dy vite burg, pasi, gjatë gjykimit, është provuar se ai ka abuzuar me një tender për sistemimin e një përroi në Krujë. Treshja gjykuese me kryesues Ded Miri dhe Alfred Gjoni e Marçela Shehu, pavarësisht se dënoi ish-kryebashkiakun e Krujës, vendosi t’i pezullojë dënimin me burg, duke e lënë në shërbim prove për një periudhë 4-vjeçare.
Njëherësh, gjykata ka urdhëruar t’i hiqet e drejta Shkëlzen Hoxhës për të ushtruar funksione publike për një periudhë trevjeçare. Shqiptarja.com mëson nga burime pranë gjykatës së Krujës se mes të dënuarve është dhe Njazi Prençi.
Njazi Prençi në këtë proces është marrë i pandehur nga prokuroria, pasi ishte administratori i kompanisë “Regli”, e cila kishte fituar tenderin në Bashkinë Krujë, për të kryer sistemimin e përroit, investim ky, që synonte të shmangte përmbytjet. Prençi është gjetur fajtor dhe dënuar me dy vite burg, por ashtu si dhe për ish-kryebashkiakun, gjykata ka vendosur t’i pezullojë burgun për një afat 4-vjeçar.
Veç Prençit, gjykata ka dënuar me 5 milionë lekë të reja gjobë kompaninë “Regli”, ndërkohë që refuzoi të pranojë kërkesën e prokurores Mirela Kostaqi (Kapo) që të konfiskojë llogarinë bankare të kësaj kompanie. Në këtë dosje penale kanë qënë të pandehur dhe më pas dënuar dhe ish-zyrtarët e bashkisë Krujë si Xhuma Roshi, Indrit Fida dhe Spartak Shehu. Të gjithë këta persona akuzohen se kanë abuzuar me fondin e emergjencës, i cili u është akorduar për “Sistemimin e përroit, lagjia nr.1, Ura e Madhe-Krujë, me vlerë 20.520.000 lekë me Tvsh”. Për këtë rast, prokuroria ka nisur hetimin në bazë të një kallëzimi të Bashkisë Krujë, të dorëzuar në fund të vitit 2015.
Vjedhja 8 milionë lekë
Nga hetimi i Prokurorisë së Krujës ka rezultuar se vlera në terren e investimit në këtë projekt është shumë më e vogël, duke arritur në konkluzionin se ish-kryetari i Bashkisë dhe administratori i kompanisë, që fitoi procedurën e prokurimit, kanë vjedhur mbi 8 milionë lekë të reja. Bashkia Krujë ka konstatuar problematikën në terren, pas ankesave të qytetarëve të ndryshëm. Sipas shqetësimit publik, në dimrin e vitit 2014, zona Ura e Madhe-Krujë u përmbyt nga shirat e shumtë.
Në pranverën e vitit 2015, pak para zgjedhjeve lokale, Bashkisë Krujë iu akordua fond emergjence nga ana e Ministrisë së Brendshme për sistemimin e përroit, me qëllim shmangien e përmbytjeve në vijim. Por, edhe pas sistemimit, situata e përmbytjeve nuk ishte shmangur dhe kjo u evidentua në dimrin e vitit 2015, kur zona u përmbyt sërish. Në këto kushte, Bashkia Krujë dorëzoi kallëzimin në Prokurori, e cila zhvilloi hetimet. Në bazë të veprimeve proceduriale, rezultoi se ish-kryetari i Bashkisë, Shkëlzen Hoxha, në mars 2015 ka njoftuar 5 firma për të marrë pjesë në procedurën e prokurimit për sistemimin e përroit. Nga shqyrtimi i procedurave, rezultoi se 2 prej 5 kompanive të ftuara, nuk u ishte bërë i ditur afati i dorëzimit të dokumentacionit. Këto dy kompani nuk morën pjesë në tender, për shkak të mungesës së dijenisë për datën.
Një ditë para zgjedhjeve
Ndërkohë, nga 3 kompanitë e tjera, u shpall fituese “Regli” shpk”. Sistemimi i përroit ishte parashikuar të përfundonte brenda dy muajve, pikërisht në maj 2015. Por, rezulton se ai është përfunduar dhe marrë në dorëzim në 24 qershor 2015, një ditë pas zgjedhjeve lokale, në të cilat Shkëlzen Hoxha rezultoi humbës. Projekti, i cili sipas dokumentacionit, të nënshkruar nga ish-kryebashkiaku, ishte përfunduar brenda parametrave, rezultoi më pas, nga hetimi i Prokurorisë, se kishte mangësi të theksuara, shmangie nga projekti fillestar dhe ulje të ndjeshme të kostove të parashikuara.
Komente
Lajme të tjera
-
Hetimi pasuror, Veliaj 5 orë në SPAK! Burime: U kërkoi prokurorëve të thërrasin për deklarim edhe Nesti Angonin, denoncuesin që s'ekziston (VIDEO)
26 Dhjetor, 09:19 -
Tiranë/ Të kërkuar për drogë dhe korrupsion, arrestohen dy persona në pak orë! Një prej tyre i dënuar nga GJKKO
12 Dhjetor, 15:49 -
Durrës/ Po lëviznin me makinë pa rrip sigurimi, shoferët tentojnë të korruptojnë punonjësit e Policisë Rrugore
12 Dhjetor, 13:21 -
Rama: 6 muaj sulme sikur unë e Xhafaj kishim plan të errët për të bllokuar SPAK, s'presim opozitën për të shkuar para! Gonzato: Reforma në drejtësi të jetë e pakthyeshme
11 Dhjetor, 16:14 -
DASH nderoi Altin Dumanin si kampion kundër korrupsionit, Ambasada amerikane: Frymëzim për ata që besojnë në fuqinë e të vërtetës! SHBA do vijojë të punojë me SPAK
10 Dhjetor, 07:38 -
Sekretari Blinken nderon sot 10 kampionë kundër Korrupsionit nga e gjithë bota
9 Dhjetor, 15:40 -
Basha shpalos programin e Demokratëve Euroatlantikë në Ditën Ndërkombëtare Kundër Korrupsionit: Gjykatë për Kontrollin e Shtetit! Ndryshime në Ligjin Anti-Mafia
9 Dhjetor, 15:01 -
Ambasada e SHBA-së dhe ajo gjermane mesazh në Ditën kundër Korrupsionit: Jemi bashkë në luftën ndaj tij! Van Horn: SPAK është anti korrupsioni
9 Dhjetor, 14:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Tiranë/ Të droguar në timon dhe tentativë për korrupsion të efektivëve! 2 në pranga, njëri prej tyre grek
22 Tetor, 12:27 -
Korrupsion dhe pastrim parash, ish-presidenti i Perusë dënohet me 20 vjet burg
22 Tetor, 09:52 -
Afera e Inceneratorëve/ SPAK shtyn me 3 muaj afatin hetimor për ish-zv/kryeministrin Arben Ahmetaj, i mbyll më 22 Dhjetor
23 Shtator, 11:19
