Në videon e ngjarjes në Kavajë mos shihni asgjë, vëreni vetëm vajzën e vogël me fustanin e bardhë që sheh njeriun që godet me egërsi të moshuarin në lokal. Kur dhuna errëson mendjen deri në pikën që një qytetar sillet në këtë mënyrë, shoqëria është më shumë se në një alarm. Eshtë në një gjendje të rrezikshme mbijetese. Ai qytetar kavajas nuk ka rrahur fqinjin që i kërkonte të mos hidhte plehrat, apo cilido qoftë konflikti civil mes tyre (nëse version i raportuar deri më tani është i saktë), ai qytetar i dhunshëm ka traumatizuar krijesën më të ëmbël e më të vyer që qëlloi aty: atë vogëlushe të mitur.
Kur flasim për qytetërim, kur flasim për mirësjellje, edukatë, kur kërkojmë të masim fjalët e pas fjalëve veprimet, kërkojmë pikërisht këtë: që askush të mos përjetojë skena të tilla dramatike, tragjike. Askush, në një shoqëri të qytetëruar nuk e meriton. Nëse dy fqinjë kanë një konflikt kaq absurd, kur dy fqinjë grinden për plehrat, është Shteti ai që duhet të bëhet arbitër i drejtë dhe i duruar, por ne shqiptarët e shkatërruam shtetin dhe më e keqja, disa prej nesh adhurojnë ata që e shkatërruan dhe dhunën na e ofrojnë si bukën e përditshme.
Kudo sheh e dëgjon rreth e rrotull njerëz që pas fjalëve, opinioneve të ndryshme, nisin kërcënimin fizik: Hajde takohemi, ke për të parë si ta thyej surratin, do ta shohësh si do ta çaj kafkën, do të të bëj këtë e do të të bëj atë. Dhe vjen një ditë që kjo gjë ndodh. E si gjithmonë viktimë janë më të brishtët, të moshuarit, fëmijët, vajzat dhe gratë.
Sa herë që ashpërsoni gjuhën dhe ngrini dorën, përpiquni të mos mendoni për egon tuaj të sëmurë, mendoni për fëmijët, mbesat e nipërit, vogëlushët e shkallës, lagjes, qytetit, fshatit; kurrë një fëmijë nuk dëshiron të dëgjojë, shohë apo përjetojë dhunë. Mendoni se vogëlushja me fustanin e bardhë është vajza, fëmija i të gjithëve. Ti thërrasim mendjes sa nuk jemi tepër vonë, shqiptarë të mirë e të sjellshëm.
Komente
Lajme të tjera
-
Frika e pafalshme ndaj diversitetit që dikë po e vret!
24 Shkurt, 19:13
-
Rithemelimi të gjejë mënyrën si të ngrihet në nivelin e shqiptarëve! Shqiptarët nuk ulen dot!
21 Shkurt, 17:00
-
Dyshohet se dhunoi 3-vjeçaren në kopshtin ‘Stinët’, del nesër para gjykatës edukatorja Majlinda Dehima
11 Nëntor 2023, 15:27 -
Femuri i trevjeçares dhe ashti i thyer i shtetit dhe i shoqërisë
11 Nëntor 2023, 10:41
-
Dhuna te kopshti ‘Stinët’, edukatorja: S’e preka vajzën, 3-vjeçarja dëmtoi vetë këmbën tek hapësirat e krevatit
10 Nëntor 2023, 10:14
-
'Moj sharabajgë, pse ta kemi qefin ty?'/ Dalin pamjet kur 3-vjeçarja thyen këmbën në kopshtin në Tiranë, momenti kur edukatorja e qëllon me shpullë (Video)
8 Nëntor 2023, 21:30 -
Tiranë/ Vajza 3-vjeçare thyen këmbën në kopshtin privat dhe u dhunua! Nisin hetimet, shoqërohet edukatorja! Pezullohen 3 efektivë! Zbardhet dëshmia
7 Nëntor 2023, 12:02 -
Alba Malltezi: Ja përse fjalët e Escobar dhe të gjithë amerikanëve për Berishën, janë për veshët e shqiptarëve, muzikë
25 Tetor 2022, 19:32
-
Alba Malltezi: Vdekja e Lear Kurtit si një test nëse në Shqipëri strehohet njerëzorja
24 Tetor 2022, 11:31 -
Alba Malltezi: Aktivistja Evi Kokalari si matësja më e mirë e gjendjes në PD
21 Tetor 2022, 15:33
-
Alba Malltezi: Ja pse është kaq tragjikisht i vërtetë Gent Pjetri
17 Tetor 2022, 19:29
-
Malltezi: Ata që e këshillojnë Saliun të bëhet i ëmbël si mjaltë dhe socialistja e Beratit
11 Tetor 2022, 11:56
Te lumte Alba.Ke kapur nje teme te dhimbshme por shume te vertete
Përgjigju