TIRANE- Ilirjan Celibashi, Komisioneri Shtetëror i Zgjedhjeve, thotë se vota e diasporës nuk do të realizohet nëse Kuvendi nuk përmbyll ndryshimet për Kodin Zgjedhor brenda këtij sesioni parlamentar.
Në një intervistë për emisionin ‘Studio Live’ në Report Tv me gazetarin Arbër Hitaj, Celibashi tha se janë palët të cilat duhet të vendosin dhe të ndërmarrin ndryshimet brenda korrikut.
‘Palët të interesuara për votën e diasporës. Kuvendi i Shqipërisë t’i përmbyllë ndryshimet të paktën për këtë çështje brenda fundit të muajit korrik, nëse nuk do të kemi kuadrin ligjor të plotësuara me siguri të plotë ne nuk do ta realizojmë votimin nga jashtë për zgjedhjet e vitit 2025. Do të jetë thuajse e sigurt që ne nuk mund ta kemi votimin nga jashtë nëse ndryshimet nuk behet në fund të këtij sesioni.’- tha Celibashi.
I pyetur në lidhje me koston e votës së diasporës, Celibashi tha se ka kosto që fillojnë nga 20 euro, por mund të arrijnë deri në 50 euro.
‘Ka kosto të cilat shkojnë nga 20 euro për votues nga 45-47 por edhe më shumë. E para do të duhet të vlerësohet nëse do të duhet ti paguajë shtetit shqiptarë apo një pjesë votuesi i cili banon jashtë terrorit të Shqipërisë dhe ka interes për të votuar. Vende të ndryshme kanë interes atë ndryshme. Në tërësi kostoja shkon te kjo vlerë 20-40 mundë te arri deri në euro varet nga oferta që do të paraqesin shërbimet postare që janë të angazhuara për këtë proces.
Duke u ndalur në mënyrën e votimit, Celibashi tha se votimi nëpërmjet shërbimit postar është i sigurt, sa kohë që nuk është provuar e kundërta. Nga pikëpamja teknike, shtoi Celibashi procesi është i garantuar.
‘Është një shërbim i sigurtë sa kohë që ne nuk kemi prova për të kundërtën nëpërmjet shërbimit postar, përfshirë dhe shërbimin postar vendas. Padyshim që vota është një komponent shumë i rëndësishëm përdisa arsye të tjera. Nga pikëpamja teknike procesi është i garantuar. Është një model që shumica e vendeve në botë e aplikojnë. Nuk duhet ta përjashtojmë shërbimin postar si një mënyrë për të realizuar votimin nga jashtë. Ne si KQZ kemi ofruar një opsion më shumë të votimit me postë. Edhe posta mbetet një shërbim që i ka të gjitha garancitë në lidhje me integritetin e votës.
Diaspora mund të ketë vende të rezervuara në Kuvendin e Shqipërisë, por edhe nëse vota e kësaj kategorie votuesish do të përfshihet kur këta votues kanë regjistruesin e gjendjes civile. Personalisht nuk do të preferoja të jepja një gjykimin tim në lidhje me këtë çështje. Në thelb ajo që mund të them është fakt se dy opsionet janë të pranueshme.’- tha Celibashi.
Vota e diasporës do të mundësohet në zgjedhjet e 2025, deklaroi ish kreu i KQZ-së Kristaq Kume në një intervistë në “Studio Live” në Report Tv me gazetarin Arbër Hitaj.
“Unë mendoj se në 2025 do kemi shqiptarë që banojnë jashtë dhe që do votojnë. Besoj se do aplikohet. Nuk do ndryshohet kushti i parashikuar sot në kod zgjedhor i cili detyron që zgjedhësi që shpreh dëshirën për të votuar jashtë mund ta bëjë vetëm nëse e ka regjistruar adresën ku banon, në regjistrin e adresave në Shqipëri”, tha Kume.
Pse partitë politike janë hezituese te vota e emigrantëve?
“Një arsye është fakti se nuk është një votë lehtësisht e kontrollueshme nga partitë politike”, shtoi ai.
Kume rekomandoi që për të mundësuar votën e emigrantëve duhet të shfrytëzohet teknologjia.
“Duhet të shohim sesi mund të përdoret teknologjia e informacionit për votën jashtë vendit”, u shpreh më tej Kume.
Komente
Lajme të tjera
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
'Nuk pres të më nderojnë me lule', Lapaj në 'Studio Live': Ja gabimi më i madh i Ramës, Metës dhe Berishës
21 Nëntor, 18:29 -
Vota e diasporës/ Ish-kreu i KQZ, Kume: Koston e postës ta paguajë KQZ! Një familje me 4 votues në Kanada i bie të paguajnë 400 dollarë për kthimin e fletës
21 Nëntor, 17:57 -
Propozimi për mbylljen e TikTok dhe Snapchat/ Milva Ekonomi në 'Studio Live': Janë jashtë kontrollit të mësuesit dhe prindit! Duhet të mbrojmë fëmijët tanë
21 Nëntor, 17:31 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54 -
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Jozefina Topalli takime me diasporën në Nju Jork: Jeni mundësia kyçe që Shqipëria ka për të mos rrëshqitur drejt zbrazjes të parikuperueshme të vendit
20 Nëntor, 16:54 -
Fushata zgjedhore online, Celibashi: Kemi propozuar amendamente për plotësimin e legjislacionit! Ekspertët: Duhen teknologji inovative
19 Nëntor, 15:38
E pse te mos harxhohet 20-50 euro/vota?! Ne shpenzojme per budallalleqe te panevojshme e vanitete si satelitet qindra mijera dollare e te behemi kurnace per nje te drejte si vota?!
Përgjigju