‘Vota e emigrantëve të mos kthehet në ‘mollë sherri’, Damian Gjiknuri për Report TV: Edhe sikur të votojnë disa mijëra është arritje (VIDEO-Intervista e plotë)

Deputeti i Partisë Socialiste Damian Gjiknuri i ftuar në Report Tv foli në lidhje me votën e emigrantëve. Gjiknuri tha se palët politike duhet të kënë një dakordësi ndërmjet tyre, pasi nuk duan që kjo të kthehet më ‘mollë sherri’ për të mos njohur zgjedhjet.

 ‘Reforma Zgjedhore përcaktoi të drejtën e emigrantëve për të votuar. Kjo është e para, por që kjo e drejtë të zbatohet duhet një infrastrukturë të nevojshme, do dhe procedura zbatimi të nevojshme. Është tjetër gjë të kesh të drejtën për të votuar dhe tjetër gjë të kesh infrastrukturën e nevojshme në mënyrë që të këtë integritet vota. Se vota e emigrantëve nuk është një sondazh që ti të futesh online dhe të japësh opinionin tënd. Ka procese të regjistrimit të emigrntëve dhe këto prcese pasi përfundon regjistrimi i emigrantëve të atyrë që duan të votojnë, por ka shumë pak emigrantë që kanë qenë të gatshëm që të deklarojnë adresat e tyre dhe e dyta është ngritja e platformës që mund të jetë online dhe postale.

Për mendimin tim jemi shumë vonë për zbatimin. Unë nuk do të doja që vota e emigrantëve të kthehet në sherr politik, ne si PS jemi dakord me zgjidhjet që ka ofruar KQZ, por nëse ka kundërshti ne nuk duam që kjo të kthehet në një moll tjetër sherri për të mos njohur zgjedhjet. Nga kjo pikpamje duhet një proces konsensual në mënyrë që çdo lloj vote të hidhet siç duhet dhe të mos ketë kontestime.’- tha Gjiknuri.

LEXO EDHE:
Meta mbledh Komitetin Drejtues të Partisë së Lirisë, 'përballet' me Kryemadhin pas përplasjeve! Përshëndet me përqafim Elona Gurin

Deputeti i PS-së shtoi po ashtu se sikur edhe 2000, apo 3000 emigrantë të votojnë do të ishte një arritje pasi do të tregonte se procesi funksionon.

‘Kam parë që KQZ ka bërë një platformë të mirë dhe nëse do të ketë darkordësi politike, lë të fillojmë edhe më një numër të vogël nuk ka rëndësi që të jenë të gjithë emigrantët. Qoftë edhe sikur të votojnë 1000,2000, 3000 në këto zgjedhje pasi tregon se procesi po funksionon.’- tha Gjiknuri.

Lajmi kryesor:

25 prilli/ Damian Gjiknuri në Report Tv: PS merr minimalisht 72 mandate, në Vlorë objektivi është 9! LSI po shthuret totalisht, funksionarët në drejtim të PS e PD

K.T./b.ha./Shqiptarja.com

TAG:
• damian gjiknuri
• vota e emigranteve