KOSOVË- Dardan Krivaqa, 29-vjeçari që vrau në mënyrë brutale bashkëjetuesen e tij, Marigona Osmanin është një person i njohur për drejtësinë kosovare. Referuar mediave kosovare, Krivaqa rezulton autori i 122 veprave kriminale. Përkatësisht, ai rezulton autori i 11 rasteve të grabitjes, 105 rasteve të vjedhjes, ku 12 prej tyre janë pranuar nga 29-vjeçari dhe 5 lëndime trupore.
Rasti i dhunimit të Marigona Osmanit, si duket nuk ka qenë i pari për 29-vjeçarin. Referuar medias ‘Grazeta’, ai në vitin 2017 ka ushtruar dhunë edhe ndaj ish-të dashurës së tij. Sakaq, në 10 qershor të vitit 2017 ai ka sulmuar me thikë një familjar të ish të dashurës, sepse ai kishte tentuar ta largonte nga dhuna të afërmen e tij. Lidhur me këtë rast, policia ka hetuar ndaj Krivaqës për veprën penale “lëndim i lehtë trupor”.
Mësohet se 29-vjeçari, në fund të vitit 2020 ka lënduar me thikë një efektiv policie të identifikuar si Z.H. Polici kishte vënë re se Krivaqa ishte duke konsumuar lëndë narkotike së bashku me 2 persona. 29-vjeçari e kishte lënduar policin me thikë në qafë, ndërsa për këtë vepër ishte dënuar me 180 burgim ku janë llogaritur edhe ditët e kaluara në paraburgim.
Vrasja e Marigona Osmanit ka tronditur opinion publik në mbarë vendin, teksa dy ditë më parë iu dha lamtumira e fundit. 18-vjeçarja nga Ferizaj i Kosovës u dhunua nga bashkëjetuesi Dardan Krivaqa. Referuar raportit paraprak mjekoligjor, dyshohet se 18-vjeçarja është dhunuar për dy ditë rresht, duke pësuar politraumë, thyerje të gjymtyrëve. Ndërsa dyshohet se Dardan Krivaqa së bashku me shokun e tij, Arbër Sejdiun, e lanë të vdekur në derën e spitalit 24 orë pasi e vranë.
Policia e Kosovës ka arritur të arrestojë, Dardan Krivaqën i cili ishte arratisur pas ngjarjes, ndërsa shoku i tij ra në pranga ditën që lanë në spital të vdekur Marigona Osmanin. Të dy të rinjve aktualisht iu është dhënë masa 1 muaj paraburgim.
Në një prononcim për Report Tv, babai i të ndjerës është shprehur se Marigona Osmani kishte dy muaj që jetonte me Dardan Krivaqën, ndërsa ai nuk e dinte që 29-vjeçari kishte të shkuar kriminale. Me dhimbjen e madhe ai ka thënë se vdekjen e vajzës e mori vesh nëpërmjet rrjeteve sociale dhe më pas kishte shkuar për të identifikuar trupin e pajetë të të resë, që u gjet në derën e spitalit në Ferizaj.
Vrasja e 18-vjeçares solli protesta nga të rinjtë, të cilët u mblodhën dje në qendër të qytetit në shenjë revolte kundër dhunës. Sakaq, kryeministri i Kosovës, Albin Kurti i pranishëm në ceremoninë mortore të Osmanit ka kërkuar që drejtësia të vihet në vend dhe autori i ngjarjes të marrë dënimin e merituar.
Lajme të tjera
-
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
