Vrasja e 10-vjeçarit shqiptar në Itali, i afërmi shkon me thikë në spital për të vrarë babanë autor të krimit: Ai kriminel nuk e meriton të jetojë

Djali 10-vjeçar dhe babai i tij vrasës

I afërmi i 10-vjeçarit me origjinë shqiptare, Matias, i cili u vra nga babai i tij me origjinë polake, Mirko Tomkow, u fut sot në spitalin ku është shtruar ky i fundit me qëllimin për ta vrarë e për të marrë hak për vogëlushin.

Ubaldo Marcelli, bashkëshorti i tezes së Matias u fut sot në spital me një thikë në dorë duke bërtitur: "Më thuaj ku është, do ta vras. Ai kriminel nuk e meriton të jetojë".

Ai u neutralizua nga punonjës shëndetësorë në spital, ndërsa më pas u shoqërua nga policia për t'u marrë në pyetje.

Marcelli ishte ai që kujdesej për Matian jo pak herë kur e ëma nuk ndodhej në shtëpi e pikërisht ditën e ngjarjes ai e kishte marrë nga shkolla dhe e kishte dërguar në shtëpi, pa ditur se nuk do ta shihte më kurrë atë. Matias u vra me thikë nga i ati më 17 nëntor, ngjarje e ndodhur në Viterbo të Italisë. I ati ishte arratisur nga spitali COVID dhe qëlloi për vdekje të birin për t'u hakmarrë ndaj bashkëshortes, Mariola Rapaj me origjinë shqiptare, për faktin se e kishte lënë. Trupi i pajetë i vogëlushit u gjet nga e ëma e tij, e cila tashmë ndodhet në spital ende në gjendje shoku.

J.SH./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kush fiton më shumë bashki në zgjedhjet e pjesshme vendore Basha apo Berisha?



×

Lajmi i fundit

John

Zgjedhjet në 6 bashki, Braho: Nën logon e partisë garojnë ata që zgjedh kryetari, i cili rezulton nga vërtetimi i gjykatës! Beqiri: Meta u takua me Ballën për datën, e kamufloi për t'i bërë qefin Berishës