POP 5

Lajmet më të lexuara të 5 minutave të fundit

Kosova & Rajoni

Vrasja e 2-vjeçares Danka, Vuçiç: Duhet dënim me vdekje

Presidenti serb Aleksandar Vuçiç tha se do t’i propozojë qeverisë që të rikthejë dënimin me vdekje, duke u konsultuar edhe me Këshillin e Europës dhe ekspertët. Sipas tij, propozimi lidhet me vrasjen e 2-vjeçares Danka Iliç dhe masakrën e vjetshme në një shkollë fillore

Duke komentuar vrasjen e vajzës dy-vjeçare Danka Iliç trupi i së cilës nuk është gjetur ende, presidenti Serb Aleksandar Vuçiç deklaron se do t’i propozojë qeverisë që të shqyrtojë rikthimin e dënimit me vdekje.

“I kam kërkuar qeverisë që me Këshillin e Evropës dhe të gjithë të tjerët të shqyrtojë nëse është e mundur të rifutet dënimi me vdekje pa pësuar pasoja juridike dhe politike, pa u ndëshkuar për këtë”, u shpreh Vuçiç.

Presidenti riktheu në vëmendje edhe vrasjet masive në shkollën fillore "Vladislav Ribnikar" dhe disa masakra të tjera.

“Sapo të kthehem nga Parisi do ta dërgoj propozimin në Qeveri”, vijoi ai.

Vuçiç foli edhe për vizitën që do të ketë të hënën në Francë, duke u shprehur se me Macron do të diskutojë 14 tema, tre prej të cilave do t'i kushtohen inteligjencës artificiale. Ai theksoi se do të diskutojë edhe për industrinë ushtarake dhe se shpreson që të hënën të nënshkruhen kontratat për blerjen e armëve.

"Kështu, ne bëhemi një fuqi e madhe brenda kufijve tanë. "Rafal" është një nga avionët më të mirë në botë. Radari më i mirë, raketat më të mira", tha presidenti i Serbisë.

M.Q./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça