Vrasja e 34-vjeçarit në tetor 2019 në Fan të Mirditës, prokuroria mbyll hetimet, çon të pandehur shokun e fëmijërisë: E nxori në pritë, ka prova

Vrasja e 34-vjeçarit në tetor 2019 në Fan të Mirditës, prokuroria mbyll hetimet, çon të pandehur shokun e fëmijërisë: E nxori në pritë, ka prova

Mikel (Gjovalin) Alia dhe Eri Zefi

LEZHË- Prokuroria e Lezhës ka mbyllur hetimet për vrasjen e 34-vjeçarit Eri Zefi, ngjarje e ndodhur me 2 tetor të vitit 2019-të në fshatin Zall-Xhuxhe të Njesisë Administrative të Fanit në Mirditë.

Në lidhje me këtë krim është dërguar i pandehur Mikel (Gjovalin) Alia dhe ndaj tij është ngritur akuza e Vrasjes së kryer në bashkëpunim. Referuar dosjes hetimore thuhet se 42-vjeçari ka patur një rol mjaft të rëndësishëm në këtë ngjarje, pasi është arritur të provohej përmes pamjeve filmike dhe bisedave telefonike se ai e ka nxjerrë në pritë 34-vjeçarin Eri Zefi, të cilin e kishte patur shok fëmijerie.

Megjithatë, vrasja mendohet të jetë kryer nga dy persona të tjera të cilët nuk është arritur të identifikohen. Gjatë hetimeve të cilat u zgjaten më shumë se 1 vit prokurori i çështjes i ka kërkuar 42-vjeçarit Mikel (Gjovalin) Alia që të bashkëpunoje me drejtësinë për të treguar autoret më qëllim që të përfitonte lehtësira, por 42-vjeçari në vazhdimësi ka mohuar të ketë lidhje me ngjarjen, duke deklaruar se është i pafajshëm.

34-vjeçari Eri Zefi u ekzekutua me 6 plumba, 4 prej të cilëve e preken në kokë ndërsa 2 të tjerët në gjoks. Vrasja rezulton të ketë ndodhur gjatë natës të 1 tetorit të vitit 2019-të pikërisht në vendin ku është gjetur trupi i viktimës në një kanal 50 metra larg rrugës së kombit, ndërsa ekzekutimi i të riut dyshohet të jetë kryer për hakmarrje, pasi vëllai i tij është i dënuar për vrasje.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Rusia sërish kërkon debat në Këshillin e Sigurimit mbi ndërhyrjen e NATO-s në Kosovë

Rusia sërish kërkon debat në Këshillin e Sigurimit mbi ndërhyrjen e NATO-s në Kosovë