MALIQ- Një ngjarje e rëndë ndodhi një natë më parë në Maliq, ku një 46-vjeçare u vra me armë zjarri nga bashkëshorti i saj, i cili më pas trupin e hodhi në gropën e ujërave të zeza. Autori Gjergji Mullalli pas ngjarjes u largua dhe pasi forcat e policisë e kishin lokalizuar, ai ka hapur zjarr ndaj tyre, ndërsa policia njofton se më pas është vetëvrarë. Ai u gjet në një banesë të tij të braktisur në fshatin Zëmblak. Policia ka publikua edhe pamjet me dron nga momenti kur efektivët po bënin negociata me 55-vjeçarin që të dorëzohej.
Ndërkohë, gjatë kontrollit të ushtruar në shtëpinë e bashkëshortes së tij është gjetur një letër e shkruar nga 55-vjeçari, ku ai kishte shkruar se do të vriste gruan dhe më pas edhe veten.
Luiza Mullalli, nënë e 3 fëmijëve, kishte marrë urdhër mbrojtje, pasi bashkëshorti 55-vjeçari e dhunonte prej kohësh. Ka qenë i ati i 46-vjeçares që ka konfirmuar këtë detaj për mediat, duke thënë se urdhrin e mbrojtjes e kishte prej një viti.
“Erdhëm në shtëpi, mori djali se e kishte marrë në telefon për të biseduar. Më mori djali në telefon më thotë hajde se s’ma ngre telefonin se kushedi ca ka ndodhur. Erdha në shtëpi, erdhi djali në shtëpi, lajmëruam policinë, kërkuam vërdallë derisa e gjetën ata të policëve. E kishte hedhur nga veranda. Na ndaluan policët. Se pamë më deri. Kishin konflikte, kishte 1 vit me urdhër mbrojtje. E dhunonte vajzën dhe mori urdhër mbrojtje”, thotë i ati Avzi Ferati.
I ati Avzi Ferato thotë se Gjergji Mullalli kishte tentuar t’ia vriste vajzën edhe më parë. Madje, ai shprehet se 55-vjeçari e kishte ndjekur kohët e fundit Liza Mullallin rreth dy ose tre herë në punë.
“Një ditë gjeti shtëpinë hapur, më merr në telefon më thotë kishte hy njeri brenda por se di kush. Para 3 ditësh, lajmëroi policinë. S’e kishte gjetur brenda dhomë. Në punë e kishte ndjekur nja 2-3 herë. E ndoqi për t’i thënë pse më ndjek mbrapa, ai kishte ikur. Vajza e kërkoi divorcin, se e dhunonte gjithnjë ai. Kishte vajtuar tek çupa tjetër në Greqi, ai e goditi deshte ta mbyste. Kishte shpëtuar vajza nga duart. Nuk është dënuar ndonjëherë”, thotë ai.
Një prononcim për mediat e ka pasur edhe nëna e autorit, e cila ka thënë se kishte tre ditë pa u takuar me djalin.
"Gjergjin për herë të fundit e kam takuar para 3 ose 4 ditësh sepse ikte shpejt gjithmonë”, u shpreh e moshuara.
Për shkak të dhunës së vazhdueshme që bashkëshorti ushtronte ndaj saj, Luiza Mullalli kishte kërkuar divorcin. Ka qenë djali i saj që ka njoftuar policinë për ngjarjen, ndërsa 55-vjeçari pas krimit u largua. Ministri Balla ka takuar sot efektivët që morën pjesë në operacionin për arrestimin e 55-vjeçarit dhe ka dhënë urdhër që të shpërblehen financiarisht pasi rrezikuan jetën.
Ministri i Brendshëm, Taulant Balla ka dhënë urdhër që të shpërblehen financiarisht policët e përfshirë në këtë aksionin për arrestimin e 55-vjeçarit Gjegji Mullalli që vrau gruan e tij në Maliq. Balla ka shkuar sot në Maliq dhe ka zhvilluar një takim me policët ku i ka falënderuar për punën e bërë në kushtet kur u është kërcënuar edhe jeta, pasi 55-vjeçari hapi zjarr ndaj efektivëve, më pas u vetëvra.
Falenderoj nga zemra forcat e Policisë së Shtetit të Drejtorisë Vendore Korçë për kryerjen e detyrës gjatë gjithë natës së mbrëmshme deri sot në mëngjes në Maliq edhe në kushtet e kërcënimit për jetën. Dua t’ju siguroj se do të bëj gjithçka që ju të ndjeheni gjithnjë e më të respektuar, gjithnjë e më të vlerësuar, gjithnjë e më të shpërblyer për atë që beni për këtë vend! Dua t’i percjell një përqafim vëllazëror prindërve tuaj, bashkëshorteve, fëmijëve tuaj, motrave e vëllezërve tuaj, të cilët janë mbështetja juaj më e madhe, po janë edhe ata që më shumë se sa askush e përjetojnë peshën e uniformës suaj, për të cilën ju jeni gati të vini në rrezik edhe vetë jetën tuaj! Kjo është një ditë për t’i kujtuar edhe kolegët tuaj që nuk jetojnë më, pikërisht sepse dhanë jetën në krye të detyrës, e për të përsëritur angazhimin e Kryeministrit Edi Rama për të mbështetur familjet e fëmijët e tyre deri në fund, jo vetëm falë statusit të tyre të Fëmijëve të Republikës, po edhe në çdo hap të rrugës së tyre, ku vërtetë boshllëkun e babait nuk e zevendson dot askush dhe asgjë, po ku ata nuk do të jenë kurrë vetëm”, shkruan Balla.
Detaje të reja janë zbardhur nga ngjarja që tronditi Korçën një natë më parë, ku 55-vjeçari Gjergj Mullalli vrau bashkëshorten dhe në orët e para të mëngjesit të sotëm, pasi ishte arratisur u gjet nga forcat e policisë i vetëvrarë me armën e krimit.
Mësohet se 55-vjeçari kishte planifikuar vrasjen e bashkëshortes, pasi në shtëpinë e kësaj të fundit është gjetur një letër e shkruar nga vetë autori, ku thuhet se pasi të vrasë gruan do të vrasë edhe veten.
Nëna e autorit 55-vjeçar, i cili u gjet i vetëvrarë me armën e krimit që vrau bashkëshorten një natë më parë të fshatit Zëmblak, thotë se u njoftua për ngjarjen tragjike, mbrëmë në mesnatë.
Për Report Tv, e moshuara tregon se nuk ka pasur asnjë kontakt me të birin prej ditësh.
“Për nusen e mora vesh mbrëm nga mesnata, teksa flisnin njerëzit. Këtu ishin mbledhur shumë njerëz. Isha mbrapa derës kur më thanë se ai e ka vrarë Lizën. Gjergji qëndroi mbi 20 vite në Greqi, kanë tre fëmijë, njëra është e martuar dhe ka fëmijë, tjetra pritet të martohet, ndërsa djalin e ka 21 vjeç. Gjergjin për herë të fundit e kam takuar para 3 ose 4 ditësh sepse ikte shpejt gjithmonë”, u shpreh e moshuara.
Ky është momenti kur forcat e policisë kanë lokalizuar 55-vjeçarin Gjegji Mullalli, pasi vrau për vdekje bashkëshorten e tij në Maliq. Në videon e ndarë me dron nga policia, shihet momenti kur efektivët përpiqen të bëjnë negociata me të që të dorëzohet, por 55-vjeçari ka qëlluar në drejtim të efektivëve duke rrezikuar jetën e tyre. Më pasi ai është vetëvrarë.
“Pamje me dron gjatë operacionit të shkallës së lartë të vështirësisë për lokalizimin dhe kapjen e autorit të vrasjes së bashkëshortes së tij shtetases L. M, 46 vjeçe, ndodhur mbrëmjen e djeshme në fshatin Zëmblak, Maliq.
Shtetasi Gj. M., 55 vjeç, pasi ka parë policinë, duke ju rrezikuar seriozisht jetën punonjësve të Policisë.
55-vjeçari në pamundësi për t'u larguar, pasi zona ishte e rrethuar nga punonjësit e Policisë dhe i është bërë thirrje e herëpashershme për t'u dorëzuar, ka hapur zjarr drejt punonjësve të policisë dhe në pamundësi për t'u larguar autori Gj. M., ka vrarë veten”, njofton policia.
Gjegji Mulallli, i cili vrau një natë më parë bashkëshorten, iku nga vendi i ngjarjes dhe u shpall në kërkim. Pasi forcat e policisë e kishin lokalizuar, ai ka hapur zjarr ndaj tyre, ndërsa policia njofton se më pas është vetëvrarë. Ai u gjet në një banesë të tij të braktisur në fshatin Zëmblak.
“Pas kërkimeve të pandërprera dhe kontrollit të territorit me qëllim kapjen e shtetasit Gj. M., i cili një ditë më parë vrau me armë zjarri bashkëshorten e tij, shërbimet e Policisë të DVP Korçë dhe Komisariatit të Policisë Maliq bënë të mundur lokalizimin në një banesë të braktisur, në fshatin Zëmblak, të këtij shtetasi.
Sapo ka konstatuar se ka qenë i rrethuar nga forcat e Policisë 55-vjeçari, ka hapur disa herë zjarr ndaj punonjësve të Policisë.
Pas thirrjeve të njëpasnjëshme të Policisë për t'u dorëzuar, ky shtetas është vetëvrarë.
Grupi hetimor ndodhet në vendngjarje për të kryer veprime të mëtejshme në lidhje me këtë ngjarje”, njofton policia.
Gjergji Mullalli, autori i vrasjes së Luiza Mullallit mbrëmjen e kaluar, është gjetur i vetëvrarë. Report Tv mëson se 55-vjeçari është gjetur i vetëvrarë me armën e krimit që vrau bashkëshorten në afërsi të fshatit Zëmblak. Ai është vetëvrarë në shtëpinë e kushëririt.
Kjo është 46-vjeçarja Luiza Mullalli e cila u vra nga bashkëshorti një natë më parë në Maliq. Gjergji Mullalli, pasi e vrau 46-vjeçaren me armë zjarri e hodhi atë në gropën e ujërave të zeza. 46-vjeçarja ishte nënë e tre fëmijëve.
Gjergji Mullalli, autori i vrasjes së 46-vjeçares, Luiza Mullalli në Maliq është ende në kërkim. Bashkëshorti i 46-vjeçares është larguar nga vendi i ngjarjes. Policia në një njoftim zyrtar thotë se po vijojnë hetimet për ngjarjen,s i dhe puna për kapjen e autorit. 55-vjeçari akuzohet për veprën penale "Vrasja për shkak të marrëdhënieve familjare".
“Në vijim të informacionit paraprak të dhënë mbrëmjen e djeshme i cili bën fjalë për një vrasje të ndodhur në fshatin Zëmblak, Maliq, ju informojmë se:
Specialistet e Seksionit për Hetimin e Krimeve kundër Jetës dhe Personit të DVP Korçë, në bashkëpunim me shërbimet e Komisariatit të Policisë Maliq, në vijim të veprimeve procedurale të kryera në lidhje me këtë ngjarje referuan materialet në Prokurori dhe shpallën në kërkim shtetasin Gj. M., 55 vjeç, banues në fshatin Zëmblak, për veprën penale "Vrasja për shkak të marrëdhënieve familjare". Nga hetimet e kryera dyshohet se ky shtetas për motive të dobëta ka vrarë me armë zjarri bashkëshorten e tij shtetasen L. M., 46 vjeçe, të cilën më pas e ka hedhur në një gropë septike, pranë banesës së saj.
Nga ana e Policisë po vijon puna intensive për kapjen e autorit të dyshuar dhe dokumentimin e plotë të ngjarjes.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, njofton policia.
Komente
Lajme të tjera
-
Korçë, Prokuroria çon në gjyq pronarin e laboratorit të falsifikimit të dokumenteve, prodhonte dhe para false, i tregonte me çmim më të ulët
26 Dhjetor, 13:36 -
Kapshticë/ 5 ditët e fundit, mbi 42 mijë hyrje dhe dalje në pikën e kalimit kufitar, shqiptarët kthehen në vendlindje për festat
26 Dhjetor, 10:05
-
Korçë/ Hyri me forcë në ambientet e një banke, jepet masa detyrim paraqitje për 38-vjeçarin
25 Dhjetor, 13:03 -
Korça feston Krishtlindjen, mbahet mesha në Katedralen ‘Ngjallja e Krishtit’
25 Dhjetor, 10:53 -
Fluks lëvizjesh në Kapshticë! Punohet me 6 sportele për të shmangur radhët dhe pritjet
24 Dhjetor, 14:29 -
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Moti i keq në Korçë/ Policia: Gatishmëri në të gjitha akset, janë të kalueshme pavarësisht borës! Ja këshillat për shoferët (VIDEO)
23 Dhjetor, 15:34 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
Mesazhi i Krishtlindjes nga Mitropoliti i Korçës, Imzot Joani: Kremtimi i lindjes së Krishtit gjallëron shpresën e triumfit të dritës mbi errësirën (VIDEO)
23 Dhjetor, 11:26 -
Korçë/ Hyri me forcë në bankën e nivelit të dytë mbrëmjen e së shtunës, arrestohet 38-vjeçari: Nuk mbaj mend gjë, isha i dehur (EMRI)
23 Dhjetor, 09:40 -
Korçë/ Tentoi të vjedhë bankën, autori ende në kërkim! Policia: Mund të ketë qenë i dehur
22 Dhjetor, 12:34
-
Korçë, hyn me forcë brenda një banke të nivelit të dytë, sa vjen policia ikën me shpejtësi
21 Dhjetor, 23:41
Mjaftonte te vriste vedin qe ne fillim e ishte super
Përgjigju