Vrasja e Ardian Nikulajt/ 2 prokurorë anglezë në Shqipëri, njihen me provat që implikojnë britanikët e akuzuar! Për 4 të prangosurit pritet vendim për ekstradim

Dy prokurorë britanikë kanë mbërritur në Shqipëri së fundmi për tu njohur me dosjen hetimore të vrasjes së Ardian Nikulajt më 19 prill, me provat që implikojnë personat e vënë nën akuzë të cilët janë ndaluar nga policia britanike. Sipas burimeve hetuesit anglez po zhvillojnë takime me drejtues te prokurorisë se Lezhës dhe grupin hetimor ne lidhje me këtë çështje. Autoritetet angleze kërkojnë që të njihen me provat për të vendosur me pak rreth ekstradimit të personave të arrestuar në Angli me kërkesë të prokurorisë së Lezhës.

Kujtojmë se katër persona që u shpallën në kërkim në Shqipëri u kapën dhe u arrestuan në Britani. Steven Hunt, 49 vjeç, Thomas Mithan, 35 vjeç, të dy nga Bristol, dhe Edmond Haxhia, 37 vjeç, nga Birmingham, u shfaqën në Gjykatën e Westminster të shtunën për procedurat e ekstradimit. Edhe 27-vjeçarja Harriet Bridgeman nga Bristol u shfaq në të njëjtën gjykatë të hënën, shkruan BBC. Ata u lanë në burg  dhe pritet të dalin sërish para gjykatës këtë të premte.

Lajmi kryesor:

Vrasja e Nikulajt, Report Tv siguron dosjen, organizatori Haxhia përdori të fejuarën si ‘ndërmjetëse’ për kthimin e makinës me qira dhe blerjen e motorit

K.T./Shqiptarja.com

TAG:
• Britani e Madhe
• Lezhe
• Vritet Ardian Nikulaj
• ardian nikulaj
• Edmond Haxhia