POP 5

Lajmet më të lexuara të 5 minutave të fundit

Kronikë

Vrasja e Briken Sanajt te ‘Kodra e Diellit’/ I riu u nxor në pritë nga të njohur? Përdorte emrin e kushëririt për të hyrë në rezidencë! Pas 48 orësh, ende asnjë i dyshuar

48 orë nga vrasja e Briken Sanajt për të cilin besohet se u nxor në pritë nga njerëz të njohur, policia nuk ka akoma një autor të dyshuar, nga 4 persona që besohet se morën pjesë në atentat. Viktima, familja e të cilit ishte në konflikt me familjen Kola në Lezhë, për një plagosje të bërë 10 vjet më parë,  është ndjekur që kur erdhi nga Italia për një dasmë në qytetin e tij

TIRANË- Briken Sanaj mund të jetë nxjerr në prit nga persona të tjerë, ditën që u ekzekutua në rezidencën “Kodra e Diellit”. 39-vjeçari dyshohet se u tradhtua nga të njohur, të cilët e drejtuan te banesa në rezidencë. Dëshmia e dhënë nga rojet e sigurisë se ai njihej me emrin Anton Gjini nuk ka qenë krejtësisht rastësore. Anton Gjini është kushëriri i tij që u martua ditën e diel në Lezhë dhe pronar i banesës në rezidencë. Burimet bëjnë me dije se Sanaj mund të jetë vëzhguar nga njerëz të tij, të cilët kanë pasur dijeni të plota për ardhjen e tij nga Italia.

Ndërkohë, të paktën katër persona dyshohet se morën pjesë në atentat. Vepruan me saktësi dhe duket se nuk kanë lënë gjurmë në duart e policisë. Dy atentatorët që pas vrasjes dogjën makinën u ndihmuan nga një person i tretë për t’i larguar po me makinë dhe një i katërt që ka pasur rol vëzhgues. Mënyra se si është ruajtur derisa të mbërrinte brenda rezidencës “Kodra e Diellit” dhe hyrja e autorëve nga rrethimi i pasmë i bind ata për vrasës profesionistë dhe me pagesë.

Pasi e qëlluan nga një distancë të afërt, nga një vend poshtë një peme ulliri, u larguan me shpejtësi me makinën tip “Mercedez Benz”. Itenerari që ndoqën ishte i thjeshtë. Pasi dolën në Unazë, vijuan përmes ish-sheshit “Shqiponja” dhe hynë në autostradë, nga e cila hynë në rrugën dytësore pranë një qendre tregtare dhe disa kilometra më tej dogjën makinën. Një person tjetër i largoi.

Deri tani dihet vetëm për plagosjen e kryer 10 vite më parë nga vëllai i viktimës, Antonio alias Renato Sanaj, për një vajzë. Në atë kohë, Renato qëlloi dhe plagosi Gentian Kolën. Dy familjet në Lezhë u futën në gjak dhe tentativat për pajtim ishin të pasuksesshme. Burimet bëjnë me dije se do të pyeten nga pala kundërshtare edhe anëtarë të familjes Kola. Briken Sanaj u qëllua me plumba kallashnikovi në kokë sapo la makinën në garazhin e rezidencës “Kodra e Diellit”, kur u kthye nga dasma në Lezhë.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Kremtimi i Fitër Bajramit, kreu i Ligës Botërore të Islamit: Bota ka nevojë të ndjekë shembullin e Shqipërisë për tolerancën dhe bashkëjetesën fetare!

Kremtimi i Fitër Bajramit, kreu i Ligës Botërore të Islamit: Bota ka nevojë të ndjekë shembullin e Shqipërisë për tolerancën dhe bashkëjetesën fetare!

30 Mars, 09:16