Vrasja e gazetares Galizia/kryeministri maltez deklaron dorëheqjen, BE dërgon mision hetimor edhe për financat publike (VIDEO)

Lamtumirën e tij të gjatë për shkak të vrasjes së gazetares investigativë Daphne Caruana Galizia, Kryeministri i Maltës Joseph Muscat e deklaroi edhe në fjalimin e tij të fundit para bazës së Partisë së Punës që e kishte hipur në pushtet.

Joseph Muscat tha se pagoi "një çmim shumë të lartë politik për një episod të errët" dhe u kërkoi mbështetësve jo aq të shumtë që të mos lejojnë që ndarjet dhe trishtimi të fitojnë mbi partinë.

Ndërkohë, ‘bubullima’ e Parlamentit Evropian po sjell shi mbi Muscat dhe ka dërguar një "mision urgjent" në Maltë pasi rezultatet e hetimit policor në lidhje me vrasjen e stilit mafioz të gazetares në tetor të vitit 2017 po shtyhen për në kalendat greke.

Hetimi nga ana e BE mbi politikanët maltezë do të shtrihet edhe mbi financat gjatë administratës së Muscat.

Kryeministri maltez më 1 janar 2020 shpalli dorëheqjen e tij.

Në një mesazh për kombin transmetuar në televizion nga ai tha se do ta mbajë postin deri në emërimin e Kryeministrit të ri, rreth mesit të janarit.

Gazetarja Daphne Caruana Galizia, e cila udhëhoqi investigimin e skandalit të njohur si “Panama Papers” dhe lidhjet me korrupsionin në Maltë u vra në një atentat me autobombë në makinën e saj.

Galizia ishte një blogere e njohur, dhe shkrimet investigative të saj tërhiqnin mijëra lexues e publikoheshin në disa nga mediat më të rëndësishme në Maltë. “Politico” e quante “gruaja Wikileaks”. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali