18 sauditë po heton me akuzën për "vrasje të qëllimshme me paramendim" dhe torturë ndaj gazetarit Jamal Khashoggi. Zyra e prokurorisë së Stambollit ka paraqitur një kërkesë Arabisë Saudite për ekstradim e të dyshuarve. Por ministri i Jashtëm saudit, Adel Al-Jubeir raportoi se kërkesa do të mohohet. Ndërkohë Sekretari i Mbrojtjes Jim Mattis foli ashpër të shtunën për vdekjen e bashkëpunëtorit të Uashington Post, Jamal Khashoggi, komentet e tij më të forta deri më tani në një polemikë që ka tendosur lidhjet midis SHBA-ve dhe Arabisë Saudite.
Turqia kërkon ekstradimin e 18 sauditëve për vrasjen e gazetarit Jamal Khashoggi. Ata do të hetohen për vrasje të qëllimshme me paramendim dhe torturë ndaj kritikut saudit të Uashington Post. Ka qenë zyra e prokurorisë së Stambollit që i ka paraqitur një kërkesë Arabisë Saudite për ekstradimin e të dyshuarve, tha një zyrtar i lartë turk për CNN. Pas kësaj kërkese ka reaguar ministri i jashtëm saudit Adel Al-Jubeir, i cili është shprehur se ajo do të mohohet.
Duke qenë se shtetasit e dyshuar janë arabë sauditë dhe janë arrestuar në vendin tonë, edhe hetimi po bëhet në këtë vend dhe do të ndiqen penalisht në Arabinë Saudite.
Ministri i Jashtëm saudit, Adel Al-Jubeir.
Princi i Kurorës Saudite, Mohammed bin Salman në një deklaratë të bërë në Riad ka theksuar se do të vendosen para drejtësisë përgjegjësit për vrasjen e gazetarit në konsullatën saudite në Stamboll dhe se mbretëria do të zbatojë të gjitha rregullat e nevojshme dhe do të hetojë ngjarjen.
Riadi vazhdon të pohojë se as princi Salman dhe as mbreti nuk ishin në dijeni të operacionit për vrasjen e Jamal, i cili ishte një kritik i qeverisë saudite dhe shkruante për “The Uashington Post”. Prokuroria publike e Arabisë Saudite tha të enjten se vrasja e Khashoggi ishte e paramenduar. Arabia Saudite fillimisht tha se gazetari saudit ishte larguar nga konsullata në Stamboll më 2 tetor, por më vonë deklaroi se ai kishte vdekur gjatë një përplasje me zyrtarët sauditë. Nuk është anashkaluar ndërkohë kjo çështje as nga SHBA.
Sekretari i Mbrojtjes Jim Mattis foli ashpër për vdekjen e bashkëpunëtorit të Uashington Post, Jamal Khashoggi.
Vdekja e Khashoggi në një strukturë diplomatike "minoi stabilitetin rajonal" dhe duhet të na "shqetësojë të gjithë ne.
Sekretari i Mbrojtjes, Jim Mattis.
Këto mund të cilësohen komentet e tij më të forta deri më tani në një polemikë që ka tendosur lidhjet midis SHBA-ve dhe Arabisë Saudite. Ndërsa nuk fajësoi Arabinë Saudite, ai paralajmëroi se Shtetet e Bashkuara do të merrnin masa shtesë kundër atyre që mund të ishin përfshirë në vrasje.
Ai gjithashtu vuri në dukje vendimin e Sekretarit të Shtetit Mike Pompeo për të revokuar vizat tek ata që mund të jenë implikuar. Ai nuk përmendi sundimtarin de facto të mbretërisë, princit të kurorës Mohammed bin Salman, i cili po përpiqet të modernizojë ekonominë dhe shoqërinë e vendit, ndërkohë që godet disidentët. Vdekja e Khashoggi, ka shkaktuar kritika ndërkombëtare ndaj Arabisë Saudite dhe ka komplikuar marrëdhëniet Uashington-Riad.
Lajme të tjera
-
Zyrtare/ FIFA: Kupa e Botës 2034 do zhvillohet në Arabinë Saudite, Botërori 2030 në tre Kontinente të ndryshme
11 Dhjetor, 16:46 -
Lufta kundër krimit dhe siguria e qytetarëve, kryepolici Proda pret ambasadorin e Arabisë Saudite: Forcim i mëtejshëm i bashkëpunimit!
10 Dhjetor, 15:47 -
Arabia Saudite përgatitet për Botërorin 2034, zbulohet projekti fitues për stadiumin e finales! Do ketë 92 mijë ulëse
20 Nëntor, 20:08 -
Dëmtimi i Neymar, sulmuesi mungon gjatë për Al Hilal
7 Nëntor, 16:04 -
Rama pret në zyrë ambasadorin e Mbretërisë së Arabisë Saudite! Vesh tunikën e dhuruar si dhe merr ftesën për të vizituar Princin e Kurorës në Riad
6 Nëntor, 12:43 -
Neymar dëmtohet sërish, pak minuta në fushë dhe zëvendësim
5 Nëntor, 12:34 -
VIDEO/ Tifozët brohorasin emrin e Messit, veprimi i Cristiano Ronaldos i befason të gjithë
2 Nëntor, 14:00 -
VIDEO/ Cristiano Ronaldo humbet penalltinë në limite, Al Nassr eliminohet nga Kupa
30 Tetor, 12:27 -
Begaj takim me ministrin saudit: Arabia Saudite, mbështetje për Shqipërinë në momente të vështira
28 Tetor, 15:20 -
Zyrtare/ Roberto Mancini largohet nga Arabia Saudite
25 Tetor, 12:50 -
Dëmtimi e la jashtë për 370 ditë, Neymar luan në një ndeshje zyrtare: Ndjeva sërish flutura në stomak
22 Tetor, 13:05 -
VIDEO/ Mario Mitaj driblon gjithë mbrojtjen dhe bën 'bomberin', shënon golin e parë në Arabinë Saudite
19 Tetor, 22:02
