Vrasja e Klodian Bakiajt pas sherrit për parkimin në Sarandë, 3 në pranga! Arrestohen 2 vëllezërit vrasës dhe pronari i hotelit që tentoi të fshihte ngjarjen

SARANDË - Xhanelo dhe Xhoi Taraj janë dy vëllezërit që u arrestuan pasi goditën me thikë në zemër 41-vjeçarin Klodian Bakia, i cili ndërroi jetë në spital. Parkimi i automjetit nga Bakia përpara hotelit ku punonin vëllezërit u bë shkak për fillimin e konfliktit. 

 Në pranga ka rënë dhe Genci Ahmeti punëdhënësi i vëllezërve vrasës. Ai tentoi të fshihte ngjarjen që ndodhi ditën e djeshme në afërsi të hotelit që kishte marrë me qera për sezonin veror. 

Dy vëllezërit, banues në Laç dhe të punësuar përkohësisht në Sarandë, akuzohen për veprat penale "Plagosja e rëndë me dashje", me pasojë vdekjen, kryer në bashkëpunim dhe "Prodhimi, mbajtja, blerja apo shitja pa leje e armëve të ftohta". Burime për Report Tv bëjnë me dije se Xhanelo dhe Xhoi ishin nipat e gruas së Genci Ahmetit që administronte hotelin. Ata u arrestuan nga policia e Sarandës vetëm pak orë pas ngjarjes së rëndë pasi ishin fshehur në garazhin e dy pallateve.

LEXO EDHE:
Miratohet buxheti i bashkisë Vlorë për 2025-ën, opozita kundër! Ja çfarë parashikon

Si ndodhi ngjarja

Dy vëllezërit, në bashkëpunim me njëri-tjetrin, dyshohen se dje, në rrugën "Lefter Kalo", në lagjen nr.1, Sarandë, pas një konflikti të çastit, për motive të dobëta, për një vend parkimi në afërsi të hotelit, ku ishin të punësuar, kanë goditur me mjet prerës (thikë), 41-vjecarin Klodian Bakia, banues në Tepelenë, i cili si pasojë e dëmtimeve të marra, ndërroi jetë në spitalin e Sarandës.

Vëllezërit i kërkuan të largonte mjetin që parkoi para hotelit, por mesa duket nuk ka pranuar. Kështu njëri prej tyre ka hyrë brenda për të marrë një thikë dhe ka qëlluar në zemër 41-vjeçarin.

Genci Ahmeti, administrator i hotelit ku ishin të punësuar 2 autorët e dyshuar, për veprat penale “Moskallëzimi i krimit” dhe “Veprime që pengojnë zbulimin e së vërtetës”, pasi nuk ka pranuar të tregojë rrethanat e kësaj ngjarjeje për krimin e kryer nga punëtorët e tij, si dhe ka kryer veprime për fshehjen e provave në lidhje me këtë ngjarje.

Materialet iu referuan Prokurorisë pranë Gjykatës së Shkallës së parë Sarandë, për veprime të mëtejshme.

TAG:
• Xhanelo Tarja
• xhoi tarja
• sarande
• Vlore
• Klodian Bakia
• genci ahmeti

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1553

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq