Vrasja e nuses së xhaxhait/ Nëna e 16-vjeçarit: Nëse e ka bërë djali im, të marrë dënimin e merituar...Vetëm rrimë shtrirë e qajmë!

MALLAKASTER - Nëna e 16-vjeçarit i cili akuzohet se vrau në bashkëpunim me dy shokët e tij, gruan e xhaxhait, thotë se drejtësia t'i japë dënim që meriton djalit të saj, ndërsa shton se edhe me bashkëshortin e tij, po e përjetojnë shumë keq krimin e rëndë që ndodhi në ditët e para të janarit.

"Vani ka ardhur në shtator nga Greqia, piu kafe me bashkëshortin. Ne kemi shkuar mirë me njëri tjetrin. Ne hynim e dilnim në shtëpitë e njëri-tjetrit. E di dhe djali i vogël i Dritës. Unë jam shumë keq nga kjo, rri vetëm shtrirë. Shumë keq nuk do doja të ndodhte. Asnjëherë nuk e kam përfaqësuar dhe nuk e përfaqësoj. Nëse ai e ka bërë këtë punë të marrë dënimin e merituar, të marrin atë që meritojnë. Burri vetëm qan kur fola në telefon”, tha nëna e 16 vjeçarit, Mimoza Saliaj e cila jeton në fshatin Gjerbës të Mallakastrës.

L.Saliaj, 16 vjeç së bashku me dy shokët e tij, S.Shehaj, një bashkëmoshatar dhe Ervis Zotaj 26 vjeç akuzohen se dhunuan dhe vranë duke e hedhur trupin në rezervuarin e fshatit Gjerbës, 51-vjeçaren Drita Saliaj. Sipas dëshmive të të rinjve, edhe pse ende janë kontradiktore për të nxjerrë rolet e tyre në këtë ngjarje të rëndë, ata kishin hyrë në banesën e saj për të vjedhur hashash.

G.M./Shqiptarja.com
  • Sondazhi i ditës:

    COVID-19/ A keni arritur të bëni aplikimin për të marrë leje për dalje nga shtëpia?

Komento